للموظفات .... فقط !!!!

مع احترامي للجميع
ما تخيلت الموظفات بالبلاهه هذي !!
معقوله كل رواتبكم لرجالكم وش فايدة طلعتك وقومتك الصبح أجل ؟
الراتب يتحول له !!
أو البطاقه بيده !!
ليه أنا كنبه عنده والا كرسي ؟!!

صاحبة الموضوع تقولين عندنا دكان صغير وراتبك أجاره إذا كنت فاهمه صح فعادي حولي راتبك لرصيدك واسحبي وعطيه كل شهر
فيها شي هذي ؟
حتى لو كان الأجار يغطي كل الراتب عادي أهم شي يعرف انه الراتب راتبك واذا خلصت سالفه الدكان ما يكون تعود انه الراتب ينزل عنده
وترى السالفه فلوسك ما طلبتي من فلوسه شي
اذا بيزعل كيفه ما أخذتي من حلاله شي
عجيب والله !!

راتبك ينزل على حسابه ؟؟ ما فهمت هالنقطه ؟!!!

راتبك هذا تعبك ليششش تخلينه يتصرف فيه بدون علمك ؟

اذا احتاج ممكن تعطينه بس بدون اذنك ما يصير هو لو اخذتي من حسابه بدون اذنه بيرضى ؟ اكيد لا

انا اسدد فاتورة جوالي وراتب الشغالة وملابسي وملابس عيالي وباقي المصاريف عليه والحين لي فترة ازن عليه يعطيني مصروف شهري

انتي اللي عودتيه على هاشيء والرجل مثل الطفل اذا تعود على شيء بصعوبة تقدري تغيريه وهو الحين حاس ان راتبك من املاكه الخاصة بما انه ينزل على حسابه !!!!!!!!!!

ساااااااااااااااااعديه ولكن بحدود المعقووووول

مشكورات
أنا راتبي ينزل على حسابي .... لكن لي أجار دكان 12000 وينزل على حسابه على أساس يتعامل مع الرجال هو مو أنا ,,,وكان والله يسلمني إياه ... لكن من 6أشهر بالعهم وساكت... وأنا ساكته ماادري وشلون أفاتحه بالموضوع وأقوله خل الرجال يحول الأجار على حسابي موحسابه؟؟؟؟
لأنه سالفة والله يبلعهم ولا سفريات ولا شيء

قولي له الرجال ماعطاك الاجار تراه متاخر واذا قال عطاني قولي وينه اجل ابيه مرتبطة مع ناس ولا قولي باسافر بها لمكة مو انت تبين تروحين هذا وقته ولاتنتظرينه يوديك بفلوسه روحي بفلوسك وخذيه معك بفلوسك بعد علشان تاخذين مثل اجره ...