السلام عليكم ورحمه الله
كاي بنت في هذا العالم ابحث وابحث ومستمره عن البحث لكي اجعل حياتي الزوجيه سعيده
لكن اكتشف ان كل يوم :angry: مشكله وهواااااااااااش :44: واكيد مافيه حياه ورديه ميه بالميه
انا ماكتبت لكم الا اني مااااااااا احب اكون ظالمه ايه عادي مظلومه عااااادي حتى لو كان الظلم علي كبير بس ما اكون ظالمه
اضطريت اكتب هنا عشان ابيكم اذا انا مخطيه توجهوني واذا انا صح تخبروني
بنات اليوم رجلي كان يسولف معي ويقول الله يعطي اهلي العافيه يا انهم يتعبون تعب سفره من اول المقلط لاخره وكرف
ودي اخذ شغالتنا واعطيهم اياها
لكن عشان تكون لك الصوره واضحه هم ماطلبوها انا عرضتها عليهم وعيووا (رفضوا)
قلت انا وانا ماني انسان بيتنا وش كبره كبير ورمضان وانت تعزم ضيفان وانا اختبر
قال ايه بس فيه فرق
وعلى فكره والله لو انهم طالبينها لا اعطياها لهم ومادبرت احد
قلت مشكوووووووور يجي منك اكثر دايما تنفذ الي براسك
طيب انا زوجتك شريكتك بالحياه مو معقوله تنفذ الي براسك غصب عني دايما
مهما يكن انا حساسه واتعب
المهم ياطويلات العمر بعدين سكت
وعلى فكره اهله يوم كنا بنسافر ابها ممنيني بها من زمااااااااااان على اخر لحضه سافروا اهله معنا وقالوا مانبي ابها نبي الطايف ورحنا الطايف وانا كان نفسي اشوف ابها
يعني اهله لو يقولون وقف وقف ولو يقولون اجلس جلس وانا ما يحسب لي حساب
بس يشهد الله ماكدرت خاطرهم بشي ولا بينت لهم شي وعلاقتي فيهم عال العال
بس ليش زوجي كذا الحمدلله ان اهله طيبن ولا والله لاروح في خبر كان
بنات احسه ما يعتبرني زي اهله
قد قالي كلمه ترن في اذني لين الحين
يقول الاهل اهم شي في الدنيا هم الباقين معك لين تموت
اما الزوجه تقدر تطلقها في لحضه وتصير اجنبيه عنك
شوفوا نضرته للزوجه:44:
المهم تزاعلنا ونام ماتسحر قومته وقال اذلفي انتي وسحورك
بنات ورب الكعبه اني احاول اصبر وابين ان اهله اهم من اهلي عشان اكسبه
وحتى اهديهم الهدايا الزينه وامي حبيبتي مهملتها ما اهديها كثرهم
ابي الستيره وابي زوجي يحبني
بس صدمني اليوم
اذا انا مخطيه هاااااااااوشوني ماعليكم مني كلنا نخطي ولكن المهم نتعلم من هالاخطاء
استغفر الله:(
شاركي في النقاش
سجلي الدخول لإضافة تعليق.
التعليقات
28- حبيبتي انتي مو غلط .. بس تعودي تطنشين ..
ترا يمكن يعاند وياخذها غصب عنك وتكبر المشكله ..
يعني انتي لو لمن قال كذا قولي اي الله يعطيهم الصحه والله يعينهم .,. واسكتي
يعني دام رجلك هذا شكله وهذا طبعه طنشي ودايم لاتناقشين ..
بالنسبه لكلامه .. والله ياختي صادق .. الاهل مامثلهم .. مهما صار يظلون اهله
انتي لو يسوي لك شي رحتي لاهلك وبرضه عديتيه اجنبي
يعني نظريته صح وميه الميه ..
صح انك زوجته ونصفه الثاني .. بس هذووول اهله ..
بس انا ماقول انك غلطانه .. يعني انتي كلامك ماكان فيه شي ولا فيه غلط عليه
واسلوبك مع اهله رووعه .. ربي بيجازيك عليه صدقيني والله يحببهم فيك ويحببك فيهم زود بعد
واهل الزوج اذا قدرتيهم وهم يستاهلون صدقيني يبين في عيونهم ويذكرونها لك
لاتتحسفين على الطيب ,, - طيب وإن قال بودي الشغاله لأهلي مافيها شئ
بما انهم رفضو كان أخذتي الموضوع في صفك وكسبتي حب ورضاء زوجك
كان قلتي الله يعينهم جد يتعبو ولو يحتاجو الشغاله فداهم تساعدهم وترجع البيت
ترا مهما كان الرجال أوقات يقول كلام عن أهله يجس النبض يشوف أي رد الزوجه
انا أسفه بس في دي الحكايه أنتي الغلطانه - عادي وسعي صدرك
اكيد راح يحن على امه ويتمنى انك انتي تساعدينها بعد مو الشغاله !
تعوذي من بليس وانسي الموضوع لااعاد تفتحينه معه وخلييك عااادي - الله يعينك بس زوجك شكله يحب ينرفزك انتي لا تبينين اذا قام يمدح في اهله امدحيهم مثله وقولي له والله انك صادق ومو بس يستاهلون شغالتنا الا يستاهلون عشر شغالات
صدقيني اذا تنرفزتي من كلامه راح يزيد عليك بالمدح لاهله وينرفزك خليك واثقه من نفسك ولا تبينين انك مقهوره واذا ما عندك عيال ان شاء الله اذا جاك عيال بيتعلق فيك اكثر كل الرجال كذا يفضلون اهلهم
واحتمال هو يحس انك افضل من اهله بس ما يبي يبين لك يخاف تشوفين نفسك عليه وعلى اهله عشان كذا يبي يهز ثقتك في نفسك ويحطمك عشان كذا لا توضحين انك تتضايقين اذا مدح اهله دائما اذا مدحهم انتي زيدي في المدح وقولي والله انك صادق وصدقيني راح يسكت ومراح يضايقك واتوقع الاحتمال الثاني اقرب - :(
مواضيع مشابهة
تابعي تجارب أخرى من هذا القسم.