شاركي في النقاش

سجلي الدخول لإضافة تعليق.

التعليقات

32
  1. @nor_alaayn_nor_alaayn

    جيجي والأجر على الله
    اقولكم شي بس اخاف بنات الامارات حبيباتي يزعلون ... ودي نسوي مقاطعة لفنادق دبي لان اسعارها اصبحت مجنونه تصوروا العام قبل الماضي سكنا الجمية بيتش الغرفه ب650ريال بالصيف كنا ناوين نروح تخيلوا بكم صارت ؟؟؟ 1750 ريال جراند حياة كانت الغرف ب750 …
    حبيبتي انا من دبي حتى انتوا في السعوديه اسعاركم غاليه يعني الغرفه يدوب لشخصين من 700-1200 درهم ويوم نقولهم ليش هلالرتفاع يقولون التخفيض بس للسعودين والبحرينيين اوكي منحقكم انتوا مواطنين لا وفي المواسم ترتفع الاسعار وعلى هذا الفنادق مستهلكه ونحن حبيبتي عدنا قانون على الفنادق تنضيف وتبديل اثاث اذا احتاج سنوي يعني بالاحرى صيانه سنويه من كل النواحي بس حبيت اوصلج انه غلاء الاسعار عندكم وعندنا ما يفرق واسمحيلي انتوا لا تزعلون كلام الحق ينقال
  2. @bnt_agaoyd_1

    بنات ابقولكم شي
    دبي مرة حلوة ..راقية .. فنادقها جدا فخمة.. وناسها وأهل الامارت من أطيب الناس ومن أحب الشعوب لقلبي صراحة بعد السعوديين
    شعب راقي .. متعاون .. يفهم للواجب .. محترم
    بس أنا معاكم من ناحية الغلا .. بس ما ينلامون .. دبي صارت مدينة عالمية وعليها اقبال طوال السنة
    بالنسبة للأسواق والتمشية صراحة ما تفرق عن الرياض أبدا ..
    بس هم عندهم سينما واحنا لا..
    عموما أنا رايحة لها هالويك إند .. وصراحة أسعارهم ضاربة فووووق هالوقت لأنه موسم على قولتهم .. وش نسوي عاد الله يعين
  3. @cute_eyes

    همسة
    شكشك هلا بك والله أنا مع شهااليل لا تعدين مدينة الجميرااااا ، كان ودي أسكن فيها لكن ما لقيت حجز وقتها على فكرة دبي موووولعه ناااااار توني رايحه أخر الصيف ، تفاجئت بالأسعااااار لآني أخر مرة رحت قبل 3 سنين وفرقت كثيررررر تخيلي رحن…
    السلام عليكم............

    يا حليلكم يا بناات ... تقول لكم ما ابي شي غاالي تقولوون لها روحي الجميررره :D

    شوفي حبيبتي ... بسبب شغل زوجي دايما نروح هناك ... وطحنا على فندق اسمه "تريدرز" تبع مجموعة فنادق الشنقريلا حلو ونظيف وسعره معقوول ايام المواسم افتتح شهر يناير من العام 2004 ( يعني لسا جديدددد)
    مكانه:
    في زاوية تقاطع طريقي أبو بكر الصديق مع طريق صلاح الدين قريب من سوق حمر عين ويبعد فندق تريدرز عن مطار دبي قرابة الـ 10 دقائق فقط
    شوفي صور منه:


    اللـــــــــــــوبي


    صورة احد الغرف


    احد الاجنحه :


    ويوجد بالفندق نادي رياضي يعتبر من أفضل أندية المنطقه حيث جهز النادي بتجهيزات رياضيه حديثه ومميزه وتم فصل نادي الرجال عن نادي النساء وخصص نادي لكل فئه وتم توفير الجاكوزي والمسابح المميزه في النادي كم جهزت غرف للبخار والساونا ومعدات التخسيس واللياقه وتم تخصيص قسم للمساج والتدليك يعمل به مدربون متخصصون في هذا المجال.
    انبسطي يا ستــــــــــــــــــــــــــــــــــــــــــي
  4. @am_yasmyna

    انا رحت في عيد الاضحى اللي فات ووسكنت في لو ميرديان دار السندس......فخم وراقي واهم شي انه كله عوائل لان مافيه غرف بس نظام شقق فندقيه ومقابل الستي سنتر.....بس اخذناه غالي في المهرجان تقريبا بالف و600 الليله
  5. السلام عليكم بنات شخباركم :) ....صح كلامكم يا بنات بالنسبه لغلاء الفنادق في دبي هالشي الكل لاحظه واحنا ما ننكر هالشي .....وحبيت أقول ان في مواسم للأسعار ....يعني مثلا الاسعار في الصيف وفي مواسم معينه مثل رمضان تقل ....وفي الشتاء وبعض المواسم مثل معرض جيتكس او مهرجان تسوق دبي ..الخ ترتفع الاسعار دبل او 3 اضعاف والحين مع الغلاء عادي توصل 5 اضعاف .....وهذا ما ينطبق على كل الفنادق بس معظمها يسوي هالشي ...

    بقولكم مثال احنا حاجزين في فندق في شهر 12 بخبركم عنه لما ارجع منه ...الحين سعره 1700 بس في رمضان اللي طاف تخيلوا كم كان السعر؟ 350 فقط ....يعني هي مواسم وانتوا وحظكم ...هذا غير العروض من الشركات السياحيه او عن طريق الانترنت أو اللي عنده تخفيض من بطاقة عمله يعني انتوا وشطارتكم تقدرون تقللون سعر الفندق ....

    في النهاية نقول لكل زوار دبي حياكم الله ولنا الشرف بزيارتكم واحنا ما نستغني عنكم بالعكس صرتوا منا وفينا والله احنا نفرح لما نشوف سواح خليجيين وعرب في بلادنا بدل الاجانب اللي غثونا ....

تابعي تجارب أخرى من هذا القسم.