ما الشيء الذي تكرهينه في تعامل الناس معك؟

الموضوع واضح من العنوان
واتمنى ما تحذفوا موضوعي زي المواضيع اللي قبله < زعلتوني ):


المهم
انا احس الناس اللي حوالي يعاملوني كأني طفله مع اني كبيرة عمري 30
و هالشي يضايقني مع انهم يحترموا رأيي وكل شي بس احس لما احد يتكلم معاي
زي ما نتكلم مع الاطفال يعني يستخدموا كلمات زي ( يا قلبو )
زوجي هو الوحيد اللي ما يسوي كذا الحمد لله
طبعا انا مو طويله مره 160 سم يمكن يكون هذا سبب
وملامحي طفوليه كمان واحب الكل يعني ما عندي مشاكل مع اي احد يعني بعض اللي حوالي يقولي اني ممكن اكون مصدر السلام في العالم هههه < مبالغه طبعا
انا ما اقولكم ايش الحل كل السالفه اني ابي ادردش معاكم
يعني اللي عندها احساس يضايقها او تكره شي في معاملة الناس معاها يعني شي من هالقبيل تجي تقول وتدردش معانا
وكل عام وانتم بخير

110 تعليق 7,631 مشاهدة

شاركي في النقاش

سجلي الدخول لإضافة تعليق.

التعليقات

107
  1. @dloaah_bs_yhk_ly

    عادي مااكره اي اسلوب يتعاملون فيه معاي
    لاني اعرف البيئه والشخصيات تختلف
    ف ايزي معي الوضع كل شخص واعرف اتعامل معه الحمد لله
    بس يقهروني بعض الناس اذا قالوا انتي صغيره وش عرفك بهالمور؟
    استغرب صراحه ليه العلم والثقافه بامور الحياة محدده لعمر محدد؟
    مع ان عمري 18 يعني مو صغيرهـ
  2. @rshyk45

    صاحبة الموضوع
    معاك حق الثقافة بامور الحياة ما تتحدد بعمر ابد
    وما شاء الله عليك اعجبني تفكيرك رغم صغر سنك < لا تزعلي بالنسبة لي تعتبري صغيرة
  3. @kyshmara

    موضوع يحتاج جدا للنقاش اما انا اكره احد يقاطع كلامي والله الناس يضحكون مايسكتون والله صرت مااحب اتكلم عشان مااحد يقاطعني ولاحظت شي المقطاعة ماتصير الا اذا صار المتواجدن كثيييييير اما اذا الجلسة مافيها الا خمسة مثلا لا عادي مايصير لي هاالموقف

تابعي تجارب أخرى من هذا القسم.