هل تتكلمو من جد ولامجرد تفائل؟ احس انكم تبالغو في موضوع التبييض وهو مو بيدنا

يااخوات اغلب مواضيع قسم البشره هي مواضيع خاصه بالتبييض والبياض والسواد هذا خاص برب العالمين الا لو هناك تدخل جراحي غريب وجديد
اعتقد انه عملية تقشير الجلد وفركها بقوه تضفي نظافه وبريق وتحسبوه بياض
يااخوات انا ابغى افهم كيف خلطات تغير لون الجلد كان محد غلب
واي وحده حطت موضوع عن التبييض مهما كان نوعه ارجوها تقول هل فعلا هي ابيضت وصار جسمها ابيض يعني تغير لون جلدها معقول؟ وبعدين ترى البياض مو الجمال الحقيقي
الجمال في لون الجلد المميز والصافي
يعني ممكن يكون لونها اسمر او برونزي او حنطي او قمحي بس صافية البشره ومافي جلد مترهل وتكون روعه في الجمال
ترى البياض مو كل شي يااخوات
بس عاد لاتبالغون ترى اصدق بعدين
اللي تقول صارت بيضا واتغير لون جلدها فعلا ارجو انها ترد علي وتقول انه جلدها كان بلون قمحي مثلا وصارت بيضا بياض ناصع او حتى بيضا بدون نصعان
ايش رايكم بالله

14 تعليق 2,252 مشاهدة

شاركي في النقاش

سجلي الدخول لإضافة تعليق.

التعليقات

11
  1. شوفي بالنسبه للكريمات الصناعيه يعني ريتن اي وهالشله هي فعلا تبيض تبييض مؤقت يعني ويرجع لاتركتيها الجلد اسمر من اول :)
    اما الاشياء الطبيعيه فهي مع الوقت تحسن شكل البشره بشكل عام وانا اقولها من تجربه من سنه يمكن طحت بالخلطات والى يومك هذا احطها كل مافضيت << دايم فاضيه
    والله شفت نتيجه حلوه .. صفاء البشره من الاثار ومن الرؤوس السوداء كلها تعطيك ايحاء ان بشرتك فتحت يمكن درجه وحده
    يعني مثل ماقلتي هالخلطات نتايجها توحيد اللون وازالة الاثار وهذا اساس الجمال
    لكن طبعا لايمكن وحده سوداء تقلب شقراء هذا مستحيل ..
    الزبده
    المبالغه مووجوووده بقوه بمواضيع البنات بس من ناحية النتائج فيه بس مع المداومه ولمده طويله (النتايج مو بياض لا توحيد وازالة اثار وصفاء)
  2. اذا على البياض الله يبيض قلوبنا
    وانا استخدمت رتن a واندوكين
    وفعلا تفتحت بشرتي 30% بالنسبه للون بشرتي اللي اعتدته
    بس لاحظي
    لاحظي لاحظي
    انا لما استخدمته استخدمته على بشره متاثره بالشمس
    يعني مو لونها الاصلي
    يعني انا حنطيه بس مو لون جسمي الاصلي
    انما متاثر من الجو
    اما عن انه يرجع مثل اول واردى مدري انا توني شايفه النتايج
    وانشاء الله تتم
    النتيجه

    اما بياض غير طبيعي وووو
    مااظن يحصل الا من مواد وكريمات مضره

    وبالتوفيق
  3. مشكوره ياعسل على الموضوع وانا معك في كل اللي قلتيه
    اغلب كريمات التبييض خطيره مثل الالدوكوين مايباع بالدول الغربيه لانه خطير
    اما بالنسبه للبياض مستحيل تصير اي وحده ابيض من لون جسمها
    صفاء البشره اهم من البياض والا لوتصير الوحده بيضاء ورقبتها ويدينها سمراء بيطلع شكلها غلط
    واهم شي القناعه لان اللي ماتقتنع بنفسها ما راح ترتاح الين تسلخ جلدها
  4. صاحبة الموضوع
    الحمدلله جات الاعترافات
    وانا هذا اللي اقصده
    انه يااخوات بدال ماتقولون : واااااااااااااااااااو الحقي خلطه تخلي بشرتك بياض غير طبيعي
    قولي : الحقي خلطه تخلي بشرتك من الصفاء كأنها بيضا
    مثلا مثلا
    اما توهمون البنات انها خلطه تبيض فعلا فهذا حرام لأن البنات هنا مساكين مايصدقون ويسمعون بحاجه زي هذي في عقولهم راحت؟ لون الجلد لايمكن يتغير - بس ممكن يصفى ويشرق وتصير بشره صحيه ونظيفه وبريقها هذا اكتسبته من النظافه والتقشير
    لأنه لاحظي بعد اي ترويش حاولي تفركي جسمك راح تلاقي قشور واوساخ متبقيه تطلع على هيئة كتل سوده وهذي لو قدرتي تتخلصي منها يمكن ساعتها بشرتك تكون نظره ونظيفه بس متعبه شويه
    اما بياض بياض فكثرو منها

تابعي تجارب أخرى من هذا القسم.