طلبتي قصه واقعيه تخليكي تغيري رايك
انا اقولك
ماما وبابا
ماما اكبر من بابا ب3 سنين وكانت مطلقه ولما اتزوجت بابا كان عندها ولد عمره 7 سنين
وع هذا كله بابا مرررره يحبها ويحب ولدها ويعمل له كل الي يبغاه كانه ولده واكثر .. ومره كلم عم اخوي وقاله نبغى الولد يعيد عند امه وتنبسط شوي ...تخيلي لهذي الدرجه كان طيب وماكان يفكر مطلقه وانا اعزب عرفتي كيف اهم شي قناعته هوا مو الي انتي تفكري فيه .. من جد مافي زي بابا اثنين بس اكيد مدام انتي مع زوجك ماشاء الله 6 سنين معناته تفكيره زي بابا
وجابت ماما اختي بعدين اخوي وبعدين ولدين ماتو وهيا حامل فيهم بعدين انا وبعدي اثنين واحد مات والثاني كان كويس ومرض وعاش مريض 15 سنه وماما خلاص قالت ماابغى اولاد لان مااعرف ايش جاها بالدم وحتتعب لو حملت
وقالت لبابا لو تبغى اولاد انا خلاص مابغى ماحزعل لو اخذت غيري وقال لها لا
وعاااااشو ماشاء الله مبسوطين وعمري ماحسيت ان بابا عاير ماما حتى لما يجي اخوي من ماما يجلس مع بابا اكثر من ماما ويحب بابا كثير وولده يقوله جدو
ودحين قبل 4 سنين مرض بابا وانا انخطبت يجلس يتريق ويقول لخطيبي لاتسمع كلام الحريم شوف دحين لو اني اتزوجت كان عندي اولاد كثير لان اخوي الي مرض مات وبقينا انا واخوي واختي بس ويضحك بابا ويتريق ماما تقوله انا قلت لك اتزوج مين مسكك يقولها لاااا ماابدل القمر بنجوم
وماشاااااء الله حياتهم حلووووووووووووووووووووه والكل يحسدنا على ماما وبابا على الاقل ماقد شفتهم يتخاصمو ولاعمره بابا ضرب ماما
شيلي هذي الوساويس عن راسك وقولي الحمدلله وصدقيني زوجك لو مو مرتاح ماراح يشيل همك ويجلس بيشوف غيرك اهم شي انتي لاتفكري بهذي الطريقه وعيشي حيااااااااتك ومحد ضربه على يده وقال له يتقدم لك الا لانه شافك بنت ناس ترى الطلاق مو عيب ولا حرام ربي شرعه وحلله للي مايقدرو يعيشو مع بعض تره حل مو خراب بيوت ...وهذا نصيبك ارضي فيه
اخر شي حبيت اقولك هو ............ادعي لبابا بالرحمه اتوفى من شهرين راح تاج راسي ... راح سندي وسند امي واختي الله يبدل حبنا له بصبر ...الين مات وهوا عمره ماذل ماما او قال لها شي يضايقها والله الين قبل يموت يقولها مع السلامه ويطالع فيها كان داخل عمليه ترى عشان يكمل حبك مع زوجك مو شرط تكوني بنت والله فوق هذا كله تخيلي لما مات ماما تبكي وقوله سامحني لو زعلتك شفتي حب زي كذا عشان ماما ماخلت مكان للشيطان يخلها تفكر زيك وبابا عاقل وماهمه شي تافه اهم شي انه مبسوط مع ماما ...
واختي مرضت مرض صعب وماما انشغلت عن بابا فتره ومافكر بابا يقول اتزوج هذي انشغلت وبعدين كم حمل ومات واخر شي اخوي الله يرحمه 15 سنه مرض وعاش ال15 سنه كانه طفل يحتاج عنايه وماقال اشوف حياتي واتزوج يكفي انها مطلقه
يعني بالعربي مدام زوجك مقتنع ليش متضايقه عيشي يومك ولما يجي بكره خير انتي ضامنه تعيشي كم سنه ولا كم يوم انبسطي معاه وخليه ينبسط معاكي
اعتقد هذي التجربه تكفي ولو حابه اقولك اكثر ماعندي مانع
ابغى ازوج زوجي وهذي اسبابي
متابعة النقاش، صفحة 35