شاركي في النقاش

سجلي الدخول لإضافة تعليق.

التعليقات

215
  1. @dandosh

    صاحبة الموضوع
    جيارة
    يسلموا الله اكبر
    أشكركم جميعاً على ردودكم الحلوة اللي بتفتح النفس .. ولو اني متضايقة جدا لانو وحدة سرقت الموضوع ونسبته لنفسها في منتدى تاني .. لكن المفروض انا حطيت اسمي على الصور :)




    حبيبتي الله يسلمك ..
    الديك طبعا أسمن من الجاجة ههههه لانو هاد وزنه 3 كيلو 300 غرام ... واللون بسبب البهار والزبدة وقت التحمير ..

    تتبيلة الديك قبل بيوم :

    ليمون وزيت زيتون و شوية خل، بابريكا وبهار مشكل وفلفل أسود وريحان مجفف وسماق وملح ..
    وتاني يوم لما تيجي تشويه حطي عليه أصبع زبدة وافركيه منيييييح منيح ... وفي الصينية حطي مكعب ماجي ومية .. وغطيه بالقصدير أول ساعة بس و بعدها اكشفيه .. وكل ربع ساعة سقيه من المية اللي تجمعت بالصينية لحد ما يستوي تمام ويتحمر ..
  2. @dandosh

    صاحبة الموضوع
    ملاك غامد
    ماشاء الله سفرة دائمة
    تفضلي الطريقة:

    أولا بدك جزر مبشور او مفروم ناااعم الكمية الي بدك ياها ..

    في طنجرة بتقلبي بزيت الزيتون وشوية زبدة بصلة مفرومة ومكعب ماجي ولما يتحمر البصل حطي فوقه الجزر المبشور وقلبي شوي و ضيفي كمية من الماء تغمر الجزر، حركيهم واتركيه يغلي لحد ما تحسي انه الجزر استوى..

    اطفي النار واتركيها تبرد شوي وبعدين حطيها في خلاط العصير حتى تصير ناعمة .. و ضيفي عليها الملح وقلييل من البهار المشكل والفلفل الاسود او البابريكا .. ورجعيها على النار تغلي مرة او مرتين وخلص .. :)

تابعي تجارب أخرى من هذا القسم.