تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

متابعة النقاش، صفحة 26

شاركي في النقاش

سجلي الدخول لإضافة تعليق.

التعليقات

2,165
  1. أم اياد 2009
    دوعة والله ضحكتينى وفكرتينى بنفسي اما بقول لدكتور عادل رشحلى دكتور يعملى المنظار رح ضحك وقالى يعنى انتى جاية لاستاذ المناظير فمصر وبتقوليله رشحلى دكتور يا بنتى دكتور عادل جراح مناظير
    مساء الخير عليكم ياحبيباتى واخواتى فى الله
    سامحونى دخلت الظهر وبعدها فعلا اختفيت بس ماما عندى ومش عارفه افتح الكمبيوتر وهى عندى
    عموما حالا بامر الله هرد على كل المشاركات اللى فاتتنى
  2. bondoqa
    ازيكم يا بنانيت عاملين ايه... انا روحت النهارده لدكتور حسام وهو طبعا كان مشغول جداا النهارده لانه مسافر الفجر العمره .. بس المنسقه اخدت التحليل بتاعى ودخلتله وقالها اوكيه الحمد لله النسبه نزلت من 14ل 6 وقال تبتدى فى الاجراءات بتاعة الحقن و…
    بندقة ياجميلة .. ماشاء الله اللهم بارك الاخبار حلوة اهه ومبشرة جدا جدا جدا ياقمر ... حلوة اوى المقابلة والكلام اللى فيها جميل اوى وتمام وكده مشكلة الوقت والمواعيد اتظبطت واتحلت من عند ربنا اهه ياحبيبتى مش قولت لك دى مسألة بسيطة اوى وبأمر الله هتبدأى اهه فى الخطوات الله المستعان ربنا يوفقك ويكملها عليكى بالخير يابندقة يارب .. بالنسبه للمنظار طبعا توتا قالت لك الوضع ايه وطمنتك فابالتالى مفيش قلق اطلاقا
    بخصوص بقه موضوع التفرقة بين المصريين وغير المصريين انا نفسى حقيقى الاقى تفسير مقنع للمسألة دى ونفسى حد يكون بيتابع مع د حسام ويسألة فى الموضوع ده لانه مستفز ان لم يكن له تفسير منطقى ورأيى فيه ان طالما نفس الخدمة والاهتمام اللى هيتقدم لمصرية هو هو اللى هيتقدم لغيرها يبقى ليه الغلاء وليه التفرقة والزيادة دى هتبقى راجعه لاية ؟؟؟؟ !!!!!!
    بصى انا اعرف د حسام كويس جدا واختى وزوجه اخويا تعاملوا معاه اكثر من مرة وعارفينه انه انسان محترم فوق الوصف حقيقى ويستحق التقدير والاحترام لكن النقطة دى بتدينى شعور ان الموضوع مش انه بيقدم علم ينفع بيه غيره وينتفع هو كمان بيه لا الموضوع اتطور لشئ ابعد .. اتمنى اكيد ان شعورى ده يكون خاطئ
    وطبعا الشئ بالشئ يذكر .. هنلاقى نفس الكلام ده بينطبق على دكاترة اخرين بيعلوا اجرتهم على المرضى بالرغم من انه لو ثبت اجرة الكشف على رينج وسط هيكسب برده ومش هيكسب قليل اطلاقا خصوصا لما يكون دكتور عليه اقبال ..
    ودى وجهه نظر واحده اخوها طبيب وعارفه طبعا يعنى ايه مكانة الطبيب وعارفه يعنى ايه الطبيب بيتعب فى شغله وبيغيب عن بيته كتير واسرته .. بس كمان عارفه ومتأكده ان الطبيب لازم يراعى احوال الناس وده فوق تعبه وفوق كل شئ طالما ان المراعاه دى مش هتأثر اوى معاه ..
  3. أم اياد 2009
    بالنسبة لاخباري لسة راجعه من عند الدكتورة وطمنتني على التحليل وقالتلى الما بيضاعف يبقي كويس اوي وكتبتلى على اسبوسيد قرص فاليوم عشان الاجهاض اللى فات وكتبتلى على مرهم للالتهابات طلع فعلا عندى نفس الالتهاب اللى دوعة قالتلى عليه اتاريكي…
    يعنى الاخبار اهه اللهم بارك ماشاء الله عال العال يا اودى .. انا مبسوطة جدا جدا والله وانا بسمع منك الكلام ده طمنتى قلبى وريحتينى .. وان شاء الله كمان تلات اسابيع هتسمعى احلى دقات قلب فى الدنيا كلها .. ويارب يارب ياحبيبتى يكرمك بتوأم علشان تبقى خلصتى وتجيبيهم مرة واحده كده فى خبطة واحده .. والف سلامة عليكى من الالتهاب ده حاجه وحشه خالص وانا عانيت منه بس بفضل الله الدنيا راقت خالص وسبحان الله مع الحمل مش حسيت بيها اطلاقا الا بسيط وساعتها كمات على العلاج اللى كنت باخده قبل الحمل وكانت اخر مرة اخد علاج ليه ومن ساعتها الدنيا بيييس
    ان شاء الله بقه المرة الجاية لما تروحى تعملى السونار ترجعى تحطى لنا شريط الحمل علشان يومها الدكتورة اكيد هتقوللك بالظبط السونار بيقول حامل فى اد ايه ومعاد الولادة امتى بأمر الله
  4. @shymolata

    وداع
    بوبا عملت المنظار فى الكويت لكن تعبت بعدها شوية القولون تعبها من المنظار ودلوقتى الحمد لله ربنا يتملها حملها على خير
    ودعه نصيحه لو حالتك استدعت منظار روحى لدكتور شاطر وبيفهم وكمان يديكى سى دى بالعملية وعلى فكرة تكلفة المنظار من 4000 الى 4500 عند دكتور عادل واغلى دكتور فى اسكندرية بيعملها ب 3 الاف لكن بجد الدكتور عادل شاطر فى المنظار وهوا فعلا استاذ جراحة مناظير بس استنى هنا انتى عايزة تعملى منظار ليه على فكرة ده مش سهل بردو يعنى ماتعمليهوش كده وخلاص لازم يكون فيه سبب
  5. د.وداع
    نادو ازيك ياقمر انتي خلاص نويتي علي هميسة؟ انا من كلامكم عن صعوبة مقابلة دكتور عادل بقيتي شايلة هم اني اروحله وكنت بقول انا كمان علي هميسة خصوصا ان الدكتور ده ماما كانت عاوزاني اروحله عشان بنت خالتي كنت بتجهض كتير ولما مشت معاه ربنا تمملها…
    بصى يا وداع ياقلبى تعالى نرتب اوراقنا
    دلوقتى انتى خطة علاجك فاضل فيها التنشيط وده اول خطوة ليكى حاليا بما انك بتقولى ان النزول مصر لسه عليه شويه يبقى لازم قبل ما نروح هنا ونيجى هناك يبقى نجرب حظنا مع التنشيط ولمده يحددها الدكتور يعنى لو قاللك ست شهور يبقى ست شهور بدون كلام تنشطى متواصل ولو مش حصل حمل فى الست شهور لا قدر الله يبقى ساعتها نفكر فى الخطوة الجاية ودى هتعتمد على نزولك مصر من عدمة وامتى وازاى .. دلوقتى لو سمحتى نركز كده فى الخطوة الحاليه .. الا وهى التنشيط .. وبما ان ظروف زوجك ومزاجه مش فى المود فا هنأجله لبعد رمضان وده اللى كان هيحصل فى جميع الاحوال يبقى انتى قبل اخر رمضان تبعتى لد عادل بما انك متابعه معاه على الميل تسأليه ايه هى خطة التنشيط وتاخدى الجدول منه والحقن وخلافه وتمشى عليها تمام التمام وتعملى زى شوشو نشطت شهر واتنين وتلاته واربعه لحد ما ربنا كرمها وانا واثقه بأمر الله يا وداع انك هتحملى فى خلال الفترة دى بأمر الله ومش هتحتاجى تلفى وتدورى حوالين نفسك ...
    اما بقى لو فكرنا بطريقتك الحاليه اللى هى اروح لمين د هميسه ولا د عادل .. هقوللك الاتنين عندى واحد وفى نفس المستوى لكن د عادل اعتقد انه الافضل فى المرحله الحاليه اللى هى مرحله تنشيط ولا عمليات ولا غيرة ..
    والكلام ده قولناه لناس كتير لما سألونا نروح لد حسام ولا د عادل وقولنا انه لو انتى حالتك عمليه يبقى روحى على د حسام لكن لو لسه فى مرحله تشخيص او علاج المرض يبقى على د عادل علشان هيقصر عليكى السكه ولانك مش محتاجه اكتر منه دلوقتى ... وصلت ياحبيبتى
    وزى ما البنات قالوا لك لما ربنا يأذن وتنزلى مصر هتروحى لد عادل وانتى عامله تحاليلك فريش وجديده ومقابله معاه هتعرفى راسك من رجلك ياحبيبتى يعنى معلش اتعبى شويه وهى زياره واحده بس ليه .. انتى اساسا مشكلتك مفيش حاجه بسيطة خالص وانا واثقه انك مش هتحتاجى لكل اللف ده ولا الدوران بس التزمى بالتنشيط بعد رمضان وان شاء الله امور زوجك النفسيه تكون اتصلحت بعون الله
    معلش انا بعتذر على الرغى الكتير بس بحب اخلص كل اللى فى ضميرى واقول على كل كلمه كنت هقولها لنفسى لو كنت فى مكانك

تابعي تجارب أخرى من هذا القسم.