انا راح انجن راح اموووووت... تعالوا شوفوا زوجى وش عايدنى؟؟؟

حبيبتي السفانه:

الله يكون بعونج ويصبرج على ماإبتلاج ...

ماتدرين يمكن بعد شهر شهرين سنه يطلقها ويرجعلج ويصير احسن من اول ...

هو الحين وين مسكنها؟؟ ليكون عندج؟؟ (( طمنينا عليج حبيبتي ))

ماعليك اختي اصبري والله يرده لكي رد جميل تخيلو يابنات مره قعدت اقيس نبض زوجي قلت له لواحدتزوج على زوجته قالي وافيها شي؟ حلال ولاحرام قلت حلال قال خلاص بعدين قال بس اذابيتزوج ثاني عشان المتعه وبسسس واخرشي الرجل يرجع للاول وثانيه اغلبهامتعه وش رايكم؟

لا حول ولا قوة الا بالله
اللهم اجرني في مصيبتي واخلفني خيرا منها

عزيزتي طمنينا عن اخبارك اول باول.. والله قلبي معاك

لالا اخت سفاانة .. لا تحزنين ولا تكشرين في وجهه انا الحين مثلج يومين أو ثلاثة راح تيجي (الغبرا) اقصد زوجته الثانية لكن بقدر الإمكان احاول اضحك له واتميلح له بسنوني فقط إنما داخل قلبي والشاهد الله نااااااااااار بتاكل صدري بس شسوي
انا ما بيج تكشرين ابد ابيج مثل ما انتي دلعيه مثل ما هو متعوّد عليج ولا تباليغن عن الأول لانه اذا بديتي تعادينه راح تعطين لها فرصة انها تفوز فيه لانها راح تفرح لما تشوفك مقهورة أو بالأصح يمكن هو يقولها انج تعبانة نفسيا ومقهورة ... لالالا
لا تتركيلهم فرصة يحسون بزعلج خلج فرحانة حبيبتي والمودة لا تقطعينها مع زوجك
لانها اذا شافتج سعيدة ومو مهتمة بالي صار راح ينقلب القهر لها هي لانها بتستغرب وبتسأل نفسها؟؟؟
إذن يا ترى ليش تزوّج عليها دام انها صغيرة وحلوة وسعيدة وياه ؟؟؟؟؟؟؟
يا أختي الكريمة انا هالكلام فعلا اقرب الناس لاهل زوجي نصحوني انها لما تجي استقبليها بالابتسامة الحلوة والضحك ويا زوجي قداّمها
( وبيني وبينج انا متعودة لما يدش زوجي البيت لازم اسلم عليه..هذي عادة عندي ما قطعتها... فلما توصل (الغبرا) قبل لا اسلم عليها بسوي نفسي سويت شي غلط وبسلم على زوجي بعديييييييييييييييييييييين بسلم عليها )خخخخخخخ بتلاقينها :16:

اي ضحكي عاد قاعدة اخفف عليج شوي من همج
الله يخفف عنا همومنا جميعا قولي آمين

مرحبا اختي العزيزة سفاانة انا اتابع موضوعج لين الحين
بس تدرين شو الي اباه منج ؟؟؟؟
اباج تنصحيني بس ... لانه الحين يقولون اسال مجرب ولا تسأل طبيب
فعن تجربتج هذي شو تنصحيني ؟؟؟ شلون اتعامل معاها وهي عندي في بيتي؟؟؟؟؟
انا مجرد التفكير انها راح تقعد قرب زوجي بالسيارة وانا في المقعد الخلفي احس اني بستخف
فشلون اتصرف لاني حلفت اني ما اطلع وياهم اي مشوار غير لما اكون بروحي ويا زوجي.
عسى ربي يخفف همج ان شاءالله