مطلوب كل ماتعرفين عن التنظيف بدون الاوفرلوك

اختي السنابل بصراحة ما اعرف كيف اشكرك ،، الله يفتح عليك فتحتي لي امور كنت اجهلها
وباين عليك فاهمة صدق وخبيرة في الخياطة ماشاء الله تبارك الله

عجبتني جدا المصطلحات اللي حطيتيها واخيرا فهمت انا محتاجة فعلا المصطلحات الانجليزية لان كل شي عندي انجلش وانا ماعرفت اترجم شي لان المترجم ماهو متخصص بمصطلحات خياطة فياليت اذا ماعندك مانع احط لك مصطلحات شيبتني وانت تترجميها او يمكن تحصليها بكتبك اذا ماعندك مانع ؟؟؟؟؟

ثانيا مكينة الاوفرلوك شجعتيني اجيبها ،،، ايش استخداماتها غير التنظيف ...؟؟؟؟
وهي تاخذ اربع بكرات طيب يعني اشتري لكل لبس اربع بكرات لون واحد كثييييرة علي ....ولا كيف ؟؟؟؟ واخاف تتعطل وما اعرف مكان تصليح ......... وافكر لو رجعت السعودية بعد 3 سنين ما احتاج شي الهندي نعطيه عشرة ريال وارتحنا ههههه

رفع

اذا تبغي ترجمه قوقل اروع مترجم وبكل اللغات
اكتبي الكلمه عربي ويترجمها انقلش

ولا يهمك يا ستي قوليلي إيش المصطلحات اللي تبغي تعرفيها وأنا أترجملك هي ,وهذا طبعا في موضوع منفصل لإفادة البنات..
وبالنسبة لمكينة التنظيف ما يكفي إنها تنظفلك الحواف وتمنع تنسيلها بشكل جميل وسهل وسريع ؟؟؟؟؟؟؟؟؟ أنا بالنسبة لي يكفي هههههههه ..عموما بعض المكاين ممكن تعملك برم لطرف القماش ..بالنسبة لعدد الخيوط غالبا تحتاج ثلاثة خيوط لكن بعض المكاين فيها ميزة إنها تعملك تنظيف بخيطين بس ,والألوان ما يحتاج إنك تجيبي من كل الألوان ثلاثة خيوط إنتي ممكن تكتفي ببعض الألوان الأساسية (أبيض- أسود- بني- موف -أزرق) أو الألوان اللي تحسي دايما تخيطيها أحمر مثلا أو بمبي, يعني أنا زمان أشتريت مجموعة ألوان وما أشتريت غيرها تخيلي !!!!! أحيانا أحتار في اللون وما ألقى شي يعجبني في الألوان اللي عندي لكن أقدر ألاقي لون مناسب من البكرات الصغيرة تبع مكينة الخياطة ,إنتي كمان ممكن تستخدمي ثلاثة ألوان مختلفة وتكون طبعا من ألوان القماش أو ماشية معاه ,مجال الإبداع مفتوح قدامك لا تقيدي نفسك في مجال الخياطة بثوابت علشان لا تقتلي الإبداع عندك ....
ممكن تأجلي شراء مكينة التنظيف بعد ما ترجعي السعودية أو تاخذي نوع يكون موجود عندنا علشان مسألة التصليح,الماركات الموجودة عندنا أذكر منها جوكي وسنجر وجانومي هذا اللي أعرفه يمكن فيه ماركات ثانية لكن ما أدري لأني من زمان ما رحت لمحلات المكاين.

رفع