ظلم ابو البنات الى متى

انا متزوجة وموظفةولى خمس بنات ويتيمة وحامل بالبنت السادسة ومشاكلى مع زوجى زادت عندما علم بالبنت السادسة و**** مجتمعنا قمة التخلف والجاهلية وعموما سوف اوجز عيوبةبنقاط (1) بخيل وحتى لو دفع يجلس يمن على بناتة انا شريت اغراض بقيمة كذا وانت ماتستاهلين لاانت ولا بناتك كانى جايبتهم من الشارع مع انى اغلب المصاريف انا ادفعها يعنى مايدفع لاملابس ولا مستشفيات ماعدا بعض اغراض البيت من اكل (2)ناقم جداعلى خلفة البنات واحسة يكرة بناتة لان الوحدة لامرضت اذا انا ماوديتها للمستشفى استحالة يوديها ودائما يدعى عليهم بالمرض والموت والضرب حدث ولا حرح والله احيانا يوقف بالشارع ويضرب البنت الكبيرة عمرها 15سنة عاد تخيلوا الموقف عند الناس (3) مايجلس بالبيت الا نادر مستحيل يسولف او يضحك او يراجع لهن دروسهن بس اوامر وهواش ودعاء عليهن والله انهن يكسرن الخاطر (4) اذا طلعنا مشوار وطبعا نادر طول الطريق هواش وبناتك كلابة وبس مصاريف ودعاء وانواع التهزي وهذا كل راتبى ادفعة للبيت ولبناتة يعنى راتبة لة مايدفع الا اشيا ء بسيطة والبيت لى واذا طلبت خبز اواى شى يبدا موال الهواش مع انة حالته الماديه ممتازة (5) يهدد بالزواج على قولتة يبى ولد ابقولكم ليش انا صابرة علية مع انى متاكدة ان بناتى راح يكونون سعداء بدونه انا يتيمة مالى احد اخوانى بمنطقة ثانية حتى اذا رحت لمنطقتهم واستاجرت شقة مانادونى على فنجان قهوة ومنطقتنا صغيرة اذا بغيتى السوق والمستشفى فى منطقة ثانية والبقالات بعيدة لازم سيارة ومو كل الحاجات موجودة فيها يعني محتاجه زوجى علشان يودى البنات ويجيب اغراض البيت ولا اقدر اجيب سواق لانه عيب عندنا بالمنطقة انا عارفه انه مافيه حل ولكن محتاجه لدعواتكم لى ولبناتى ضعيفات يكسرون الخاطر والله يوميا دمعتى على خدى انا عمري وحياتى وسعادتي حطمها بس وش ذنب هالبنات وانا ملازمه للدعاء والاستغفار ولكن مايبتلى الا المؤمن والله لى سنوات ساكتة ولكن مع الحمل احس نفذ صبري خاصة زاد العيار يوم درى ان حامل ببنت ادعو لى انه يكون ولد معافى علشان يخف عن نقمته للبنات ويكون هالولد لى سند ولبناتى لاتنسونى من دعواتكم

91 تعليق 7,274 مشاهدة

شاركي في النقاش

سجلي الدخول لإضافة تعليق.

التعليقات

88
  1. @lam_mym

    حرام والله مافي أحلى من البنات
    بعدين ليش يهدد بالزواج !!!!!!! ماهو عارف انه هو اللي يحدد النوع مو انتي!!!!!!!
    ولا شكله مادرس!!!!!
    الله يرزقك بتوأم أولاد يارب يرفعون راسك ويسدون عينه
  2. @klb_rohha

    الله يرزقك من واسع رحمته ادعيله بالهداية وتذكري ان البنات احنٌ عليك لكبرن الله يستر عليك وعليهن ويفرج كربك ويرزقك بالذرية الصالحة --------امين ولك دعواتن بأذن الله
  3. @shykhh_17

    بما ان بناتك يرتاحوا بدونه وانتي مش محتاجه له ماديآ والبيت باسمك يا اختي الانفصال افضل حل


    احسبيها بالمنطق انتوا سبعه متضررين وهو واحد ........ سألتتي نفسك بنتك ام 15 سنه كيف بتكون شخصيتها سويه مادام


    ابوها يضربها بالشارع جدام الناس ؟


    اخواتها الباقيات بيكونوا نفس مصيرها ....... بتجنين عليهم بسبب هالزوج المتخلف ....... انتي امهم ومالهم حد غيرك ينقذهم

    هم امانه في عنقك ليوم الدين ...... فيه زوجات مساكين بدون وظيفه ولا اهل عدلين واختاروا الانفصال لجل ينقذون عيالهم من


    اب جاهل وظالم ........ انتي ولله الحمد عندك وظيفه تقدرين تعيشين بدونه

    وحاولي ماتطلبي الطلاق خليه هو الي يطلق حتى يطلع لك حقوق ولبناتك وتظلي في بيتك


    الخطوه الاولى عليكي بتجاهله وكأنه مش موجود واهتمي بصحتك انتي حامل وببناتك ووظيفتك والله سبحانه يصرفه عنك


    وينسحب من حياتكم بهدؤ ....... مع ان هالنوع من الازواج البخلاء صعب يتنازلون عن حياه ببلاش ...... الزوجه هي الي تصرف


    عليه وعلى عياله وبيته وفاكته المسئؤليه ......... حسبي الله ونعم الوكيل في كذا ازواج بلا كرامه

تابعي تجارب أخرى من هذا القسم.