بنات اش رايكم في حركات حماتي كيف اتصرف؟؟؟

السلام عليكم ورحمة الله وبركاته

كيفكم يابنات وياحريم

والله اني محتارة ومابغى اشاور احد من الاقارب ولاحتى امي واخواتي لاني مابغى اتكلم على احد فقلت مالي الا انتم اشاوركم
السالفة ياطويلات العمر حماتي (اخت زوجي)مطلقة في الاربعينات تقريبا جاية عندي هي وام زوجي بيجلسون اسبوع في رمضان
المهم يابنات كل ماسوي لهم شي ماتاكل تقول مااشتهي امدلهم سفرة وش طولها وش عرضها وتخليها وتيجي المطبخ تاخذ لها خبز وجبن والسفرة محطوطة لسا ماشلتها...ولاتقولون يمكن مقصرة في الاكل لاوربي ان السفرة الوحدة فيها يمكن عشرة انواع مقبلات ورئيسيات وحلا وموالح وسلطات وكل يوم مو مره ولا مرتين اربع ايام نفس الحركات ماتذوق ولا شي من طبخي رغم اني انا اللي اكرف وحدي ماعندي شغالة وشقتي كبيرة واصحى من الصباح الساعه تسعه وانا صايمة اجهزلها فطور وسحور والله مااخلص الا وارجولي تنبض من الالم وكل قطعه في جسمي تبكي لحالها :09:ومحتسبة الاجر في هذا كله بس ماعرفت افسر تصرفها.
زوجي يقولي لاعاد تطبخين وتكثرين وتتعبين نفسك سوي بس شربة وسمبوسه وخلاص رغم اني ماشتكيت له بس دخل علي الغرفة مره وشافني ابكي وهو عارف حركات اخته وقالي لاعاد تسوين شي

طيب كيف انا استحي مقدر افرش السفرة وماعليها الا شربة وسمبوسه فشله ماتعودت احسها اهانه لضيوفي وفي الوقت هي جالسة تهيني ولاتاكل رغم ان ام زوجي عجوز كبيرة يعني ماتاكل كثير واحيانا تدخل علي المطبخ وتشوف القدور وتشوفني اجهز وتقولي حنا ماناكل وحنا ماحب وتروح وتسكر بابها وتنام وتنوم امها معها ماتخليني حتى افرش السفرة ولا احط الاكل ومره ثانية جا عندنا ولد اخوه ولازم افرش السفره في المقلط اللي هم ينامون فيه ونقزت راحت الحمام تتروش وطلعت عندي المطبخ والاكل محطوط هناك واخذت خبز وجبن وسوت لها شاي .

والله اني احترت يابنات وباقي يمكن خمس ايام يقعدون وزوجي يهاوشني يقول لاتطبخين ولاتتعبين نفسك و اذا اذا طلبته اغراض للمطبخ قام وججهه يتقلب الوان ليه وليه ..:angry:.هذا وانا جالسه اكرم اهله مو اهلي ويسويلي كذا بدل مايقول الله يعطيك العافية كلمة على الاقل تبرد على قلبي حتى التراويح ماروح اصلي اقعد اغسل المواعين واجهز السحور.

انتم اش رايكم في الموقف كله تصرفها صح ولاغلط انا ماطلبتها تساعدني ولاتمد ايدها ابيها بس تتفضل تاكل زي الخلق والاوادم تحترم تعبي من الصباح اكرف .. وانا باقي الايام الجاية وش اسوي اطنش زي ماقال زوجي وماتعب نفسي ولااتكلف بس اخاف انه يقوله بس كلام وبعدين يزعل مني والله احترت مدري وش اسوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:(

81 تعليق 11,443 مشاهدة

شاركي في النقاش

سجلي الدخول لإضافة تعليق.

التعليقات

80
  1. @khyr_an_shaaaallh

    الله يعينك
    بس انتي الي متعبه نفسك
    زوجك وعارف الوضع وقايل لك لا تطبخي خلاص ..اغصبي نفسك وخليها بس شوربه وسمبوسه وارتاحي وريحي..يمكن هي ماتحب الاكل ويمكن تكره تاكل من طبخ غيرها كثير مثلها ويمكن نفسيتها تعبانه ماتبي تاكل ..
    انا عارفه انك حاشمتهم ومقدرتهم بس خلاص دامهم هم مايبون الله يجزاهم خير اغتنمي وقتك بالعبادة ..
  2. حبيبتي سوي شي مختصر سمبوسه شوربه وصينيه مكرونه وحلى سفره وسلطه ووزيها بصحون مع العصاير خلاص الحمدالله

    رمضان عباده مو اكل وشرب والواحد بجوعه يطبخ ووده ياكل هذا وذاك واذا افطر مايكمل صحنه

    الله يعينك سوي فطور بس مو تكلفين على عمرك مثل ماقلت لك اختصري واذا انتقدوا قولي اشوفكم ماتاكلون والنعمه تنكب
  3. @srkhat_alm

    يمكن مسويه دايت

    انتي اطبخي واللي يبي ياكل اهلا وسهلا واللي مايبي كمان اهلا وسهلا

    نت بيغ بروبلوم
  4. @thlg_albyt

    انتي حساسة جدا وكبرتي الموضوع ... خلاص مو لازم تبالغين اذا ام زوجك بنفسها قالتلك احنا ما ناكل ، يعني طبعهن كذا ممكن حماتك تعودت وممكن عندها اسباب ثانية خاصة فيها وترى كل عائلة تختلف عن العائلة الأخرى من ناحية الأكل ، بس ما دام الحمد لله ما ضايقوك ولا دقوك بالكلام ولا افتعلوا مشاكل
    يعني هم مسالمين ، وزوجك عارف طبعهم ولو مو عارف ما قلك اختصري في الطبخ ارجوك لا تنكدين على نفسك وعلى زوجك لسبب تافه

تابعي تجارب أخرى من هذا القسم.