الامهات الصابرات لاطفال الشلل الدماغي

السلام عليكم اخباركم بس دخلت اشوف اخبار الغوالي مع رمضان

اهلين بنات الله يشفي عيالكم وعيالنا وكل مسلم
بنات الله يوفقكم نفسي احد يرد علي والله اني في هم مايعلم فيه الا الله
انا بنتي عمرها اربع شهور وعشر ايام يعني تمشي بالخامس
ولدتها قيصريه وبعد ماولدتها بساعه تقريبا قالو ان صار عندها موية بالرئه وحطينا لها اكسجين وجلست بالعنايه خمس ايام لأن عندها تنفس سريع وبعدها الحمدلله طلعت وصار تنفسها طبيعي بس انا خايفه من موضوع نقص الاكسجين
الدكاتره يأكدون ان اللي صار مو نقص كسجين وانهم عطوها الاكسجين علشان مايصير عندها نقص اكسجين
بس انا مو متطمنه لان اول صوره شفتها لها احسها مزرقه والمسستشفى خاص علشان كذا خايفه
بنتي اول ماولدتها مره رخوه وبدت تشد نفسها على نهاية الشهر الثاني والحمدلله تشد نفسها الحين كويس وتناغي وتضحك وتعرفني الحمدلله بس الى الآن ماثبتت رقبتها وهالموضوع مخوفني احد يقولي لسه صغيره واحد يقول عرضيها للشمس
والمستشفى لما رجعت لهم يقولون وضعها كويس وماعندها مشاكل وعرضتهاعلى دكتور ثاني برا المستشفى قال امور البنت
ممتازه وماعندها مشاكل وكان وقتها تقريبا عمرها ثلاث شهور وقبل رمضان رحت اطعمها تطعيمة اربع شهور قلت للدكتوره عن مخاوفي وقالت اذا فيه تخلف المفروض يبين بهالعمر بس الحمدلله قلت كل امورها كويسه الا الرخاوه في الرقبه هي اللي مخوفتني قالت بقيس محيط الراس لقته ناقص سانتي وقالت هذا خطر قلت المفروض تقارنيه بقياساتها السابقه وعلى هالاساس تقولي خطر او لا قالت صحيح خصوصا ان البنت جت صغيره مره 2 كيلو واول يوم في الاسبوع 37 يعني اول يوم بالتاسع
قالت ممكن يكون هذا هو السبب ان قياسها صغير بس مااقدر اطلب الملف لأن عندي ضغط الحين (تخيلو بغيت اذبحها ) تخوفني وتروعني ولا هي فاضيه تجيب الملف علشان تقارن القياسات وتحدد هل فيه مشكله او لا (هذا في عياده خاصه )
انا مفكره ارجع للمستشفى واقولهم علموني على بلاطه هل فيها نقص اكسجين او لا علموني علشان الحق اعالجها اذا تحتاج لا سمح الله (يارب ماتحتاج يارب )
مع العلم اني كل ماسألت دكتور منهم قالي انسي موضوع الاكسجين واعتبريه ماصار بس قلبي مو متطمن
وزوجي يقول هذا مستشفى خاص لو عندها لاسمح الله مشكله كانو ماصدقو علشان نراجع عندم كل شوي
انصحوني تكفون وش اسوي والله اني نسيت الضحكه والهم راكبني
يارب يارحمن يارحيم اشفي مرضانا ومرضى المسلمين
يارب ياقادر ياقادر اشفي ابنائي وابناء المسلمين يارب تشفي كل وحده كتبت مشكلتها هنا يارب انت اعلم بحالنا وحال عيالنا يارب
ارحم ضعفنا وضعف عيالنا هالصغار واكفلهم يارب انت ارحم بهم منا يا ارحم الارحمين

هلا فيك ياغالية وربي يفرح قلبك بشفاء ولدك ويلبسه ثياب الصحة والعافية
اختي اذا كنت من اهل جدة انصحك تروحي مستشفى الولادة عندهم دكاترة واستشاريين مخ واعصاب وانصحك بالدكتورة سناء اسحاق او رقية العيدروس
وخليك من المستشفيات الخاصة
وعليك بجمعية الاطفال المعوقين ترى ممتازة جدا في العلاج الطبيعي والوظيفي
وربي ييسر لك اللي فيه الخير

لالالالا يالغلا ما تخافي بنتك ما فيها الا العافية ان شاء الله وربي يطمن قلبك
لان نقص الاكسجين في الرئة غير نقص الاكسجين في الدماغ وما فيه اية علاقة
خلي عنك الوساوس وتوكلي على ربك واكثري من الدعاء لبنتك

ام الشمري
الحمد لله على سلامة الشمري ومايشوف شر ان شاء الله