كيف الحلوين .... إن شاء الله كلكم طيبين
بنات أنا حزينه :( مدري انتو مثلي
اقولكم ليه احسن الايام تمشي سررررييييييييعـــــه يعني اليوم 10 والله احسن كأنه امس اول يوم ...
الله يعيده علينا اعوام عديده
اليوم حبايبي بوريكم سفرتنا وأي سؤال انا موجوده
كانت عباره عن :
شوربة لحم - سمبوسه بف ورقاق - ومكرونه بالباشميل - وايدام باللحم والبطاطس حار بطريقة خدامتنا ومسويه عليه زي الخبز الرقيق ( اللحوح ) - وبيتزا - وصينية اختي سوتها بالتوست واللحمه المفرومه ( والله مدري ماخذتها من المنتدى والا من راسها بس اذا قامت اتأكد منها ) - وحلى سويته سرررررريع من راسي والله طعمه مثل ايسكريم الساندوتش ( إن شاء الله انزلكم طريقته ) - ومهلبيه - وعنب ورمان من جارتنا - وعصير برتقال وفمتو وقهوه وقشر
وعلينا بالعافيه
واليكم الصور



ومن جهة ثانيه

وهذا ايدام خدامتنا وحلاي بس مامداه يبرد ويتماسك عشان سويته العصر بس الحين اخذتلي قطعه يهبببببل ومتماسك

طريقة الايدام
سوي كشنه عاديه بس كثري الطماطم ومعجون الطماطم وحطي البهارات اللي معتمدتها عندك وحطي فلفل اخضر حار بعد ماتقطعينه حلقات ( كمية الفلفل حسب رغبتك ) وزنجبيل اخضر مفروم ( احنا ماحطينا مانحبه )
اذا اتسبكت الكشنه اضيفي اللحم اللي مقطع صغار
واضيفي البطاطس اللي مقطع مكعبات صغيره واضيفي لها كوب مويه وخليها الين تستوي
طريقة عجين رقايق الخبز
ملعقه خميره وملعقه بكنج بودر ورشة ملح وملعقه سكر ( الملاعق صغيره كلها )
ودقيق على حسب كمية الرقايق اللي تبغينها واضيفي لها مويه وبتكون العجينه سايله
واتركيها لمدة ساعه
ووقت الخبز ادهني الصاج بزيت وولعي عليها النار
واذا سخنت الصاج صبي شوي من العجين وخليها رقيقه بس مو مره وخفضي النار ولاتقلبيها بس تتحمر شوي من تحت خلاص شيليها وكرري العمليه
ووقت التقديم حطي وحده او ثنتين من الرقايق حلى حسب رغبتك في صحن التقديم
وحطي فوقها الايدام
وعليكم بألف عافيه
...............................................
وهذا رابط حلى ايسكريم السندوتش
http://forum.hawaaworld.com/showthread.php?p=50350921#post50350921
وتقبلوا تحياتي
محبتكم / كنت أظن . . وخاب ظني