حبيباتي اشكركم فعلا والله العظيم ماني مصدقه النتيجه الغريبه العجيبه اللي صارت معايه
تصورو يااخوات بفضل الله ثم بفضل نصايحكم ايش صار؟ والله العظيم شعري من قبل امس يهفهف نعومه وكثافه وسايح على اكتافي ولونه يجنن الحمدلله رب العالمين عارفين ايش سويت
اخترت هذي المكونات
انا طبعا زارعه بالحوش عندي حنا
اخذت شويه من ورق الحنا وطحنتهم بالخلاط ولما صارو عصير ثقيل حطيت عليهم شوية زيت خروع وشوية زيت ذره وحطيت فنجان قهوه تركي غامقه وفنجان قهوه تركي فاتحه وخلطتهم وحطيتهم على شعري بعد ماسويت شعري خصل كبيره ودهنت الخلطه هذي عليه وخاصه الاطراف لأنها هي التعبانه
وغطيته وبالليل نكت الخلطه من شعري علشان انام ولفيت شعري وغطيته والصباح غسلته بشامبو بانتين وبديل الزيت وخليته يجف من نفسه
والله لااستشوار ولا حاجه
انه تقصف مافيه وماابالغ
اول شعري خشن جدا من اسفل والحين ناعم ومافيه تقصف واعتقد بسبب زيت الخروع والقهوه زي مااتفضل اغلبكم انها تعالج التقصف وانا ماكنت ادري
وهي فعلا تعالج التقصف زي ماشفت بعيوني
ولا راح اقصه ولا حاجه كذا عاجبني مره والحمدلله
الله يخليكم لي ويرزقكم بالسعاده الابديه وترتاحو بقية عمركم وبالآخره كمان
اختي من اين ابدأ
راح ادعيلك من كل قلبي بس اسمعي نصيحتي وطبقيها
روحي السبورماركت واشتري كيس شاي اخضر طازه وقطفيه وخليه بالثلاجه وكل يوم اغلي شويه في الصباح وقبل النوم واشربي البراد كله بدون سكر وبدون اي اضافات الا اذا تبغي تحطي نعناع
والله محسوبتك رشيقه على طول وبطني مو باين لها اثر وكأني بنت بسبب الشاي الاخضر والمشي
مع اني اعاني لي كم شهر من مشاكل اجتماعيه واسريه كبيره لكن والله احسن رب العالمين ياخذ بيدي في اشياء كثيره
انا ادعيلكم وانتو ادعولي الله يخليكم
مع كل اللي اسويه زوجي شايف احسن مني ومافي راسه غيرها للاسف ادعولي الله يخليكم يرجعلي زي زمان يحبني ويتوددلي باستمرار ويحرص على سعادتي زي ماانا احرص على سعادته وساكته وملتزمه الصمت ولا اضايقه بكلمه وحده وربي شاهد
انا ماابغى غير نصيحه من قلب وبس - ارجوكم اللي تعرف بس تقولي واللي ماتعرف تدعيلي
متابعة النقاش، صفحة 4