حياكم يابنات
أم عبادي جاتكم تتدحرج وتشارك للمرة الأولى..
رحبوا فيها وبعدين هاوشوها..
تصدقون يا بنات أني صرت في نهاية الرابع ولسه ما راجعت دكتوردتي ولا فتحت لي ملف في المستشفى...
انشغلت ما أدري في أيش..
أولا كنت مسافرة وبعدين رمضان والعيد وبعده امتحاني التوفل..
وخلال هذا كله عبادي يمرض كثير،الله يعافيه ويخليه لي..
لا وخلوني أزيدكم من الشعر بيت:
معاي زكام مزمن صار له أربع شهور ذبحني..
ومن أسبوع عورتني عيني اليمين كثير وتركتها لحد ما خفت لوحدها..
لكن اللي ماقدرت أخليه جرح طلع في كتفي اليمين ذبحني..
رحت لدكتورة الجلدية أمس..وحكيت لها الحكاية.. وإن هالجرح سبق له طلع قبل كم شهر وتعافى لوحده..
قالت لي هذا كيس دهني ملتهب جدا وأنتي أشلون تتركينه لحد ماصار كذا<==كانت بتضربني بس الله ستر..وقالت لي إن سبب ظهور الكيس هو قلة المناعة..أي أنه يظهر لما تصبح مناعة الجسم ضعيفة <=== نعنبو ما تفهمين صار لك مزكمة أربع شهور وتبين مناعة..ما تخافين الله في الجاهل اللي ببطنك
المهم (باقي الهذرة ) قالت ما تقدر تشيله الحين لأنه لازم بنج وحضرتي حامل والبنج خطر...وعطتني كريمات موضعية وقالت لازم أرجع لها بعد يومين وإلا بتجي تشدني من شعري.. لو كان تحسن ووإلا بتحاول تسحبه بالتبريد <====أشلون بالتبريد؟؟ الله أعلم
وباقي الهذرة اللي ما تخلص : أنه بكرة موعدي مع دكتورة الجلدية ..ويوم الخميس إن شاء الله رايحة لدكتورتي لازم.. وبأسوي فحوص شاملة..أنا متأكدة أنه أكيد في فقر دم..بس نشوف وش فيه غير والله يستر.. والله أني حاسة بالذنب
سامحني يا ماما <====جاري التربيت على الكرشة
إن شاء الله أقولكم على المستجدات..و أتعرف عليكم وحدة وحدة الله يهون علينا كلنا
حوامل الشهرين الرابع والخامس تفضلوا هنا ملتقانا الجديد ( الجزء الثاني )
متابعة النقاش، صفحة 17