شاركي في النقاش

سجلي الدخول لإضافة تعليق.

التعليقات

80

  3. @shykhh_17

    صاحبة الموضوع
    استغفر الله العظيم من كل ذنب عظيم



    والله العظيم مو برغبتي هلكثر خدم هذي رغبة زوجي وهذي طبيعتة حياتهم قبل لايتزوجني متعودين عالخدم


    انا وربي احسب الريال من راتبي وين يروح اقسمه بين اخواني وامي وخادماتها ومصاريف بيتها ومايصفى منه شي


    انتوا تظنون كثر الخدم راحه ؟؟؟ والله انه هم اكثر من الراحه


    على مدار هالعشرين سنه مع الخدم تعرضت لسرقات واعمال وتعريض بيتي للخطر كم وحده شفتها تتكلم بالجوال بدون علمي ووحده سيرلانكيه مدخله بالملحق هندي بيت الجيران والحمدلله اكتشفناها وبلغنا وسفروها ووحده سرقت ساعتي فيها الماس ماركة ايبل وسلاسل بناتي الذهب وانا ماعرف لسه صغيره مادري عن بلاوي الخدم هذي هنديه وسافرت لوحدها بعد السفر اكتشفت السرقات وخفت


    زوجي يبي بيته مليان خدم لان راتبه يغطي وعنده غير راتبه وهو مرتاح بحياته بكثر الخدم

    مره جاب لي 3 سواقين قالي واحد يسوق والثاني يساعده والثالث احتياط اما الرابع فصبي خادم للحوش والزرع الحمدلله واحد هرب لانه يبي يشتغل بشركه رواتبهم اعلى في بيتنا ياخذ 700 ريال انا فرحت لما هرب وزوجي تضايق يبي غيره الحين مع ان ماراح يكون عنده شغل انا ماطلع كثير ومتقاعده من وظيفتي والسواقين يستلمون راتب وهم بملحقهم يشوفوا الدش والتي في


    اذا كلمت زوجي يقولي انا الي ادفع لهم مو انتي انا ماشتكيت لك


    انا طبيعة حياتي ببيت ابوي قبل الزواج ماعندنا خدم انا البنت الوحيده الي اشتغل بالبيت بحكم امي كبيره بالسن فلما تزوجت وشفت حياة زوجي هو شجعني اجيب لامي ثنتين وهي تعودت على الخدم الحين ماتستغني عن وحده


    مره جاب لي اربع خادمات ثنتين اثيوبيات وثنتين اندونيسيا طفشت من قعدتهم بالبيت بدون شغل واحس اني مراقبه مارتاح بلبس ولا اكل ولا نوم احيانا بدون استئذان يدخلوا الغرفه وانا كنت بالاول استحي منهم ماعرف اتعامل مع الخدم الحين عرفت بس وجودهم متعب ومكلف لكن غصبن عني

  5. @ahaaaaasys

    اول شي ماشاءالله تبارك الله
    ثاني شي علميها على الاسلام تكسبين اجرها
    علميها كيف الصب خليها صبابه ولبسيها لبس الصبابات خليها تتعلم كيف التقديم والضيافه...
    علميها تسوي بالتريكو والكروشيه والخياطه لو ماتعرف فيه كتب بالخطوات وبما انها صغيره بتنبسط على هشي وبتبدع فيه
    خليها اذا عرفت وتمكنت تسوي مفارش للطاوله بالكروشيه بتبدع في بيتك ...
    علميها تستشور وتظبط شعور البنات ...خليها تنظف الاشياء الدقيقه شبابيك ثريات تحف المناظر تعرفين جونا والغبااار
    والله يوفقك معهم

تابعي تجارب أخرى من هذا القسم.