تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

السلام عليكم ورحمة الله وبركاته

اولا كل سنة وانتو طيبين

ثانيا والله انا مش مصدقة نفسى ام اياد وتوفى حومل؟؟؟؟؟؟؟؟؟؟؟؟؟

بسم الله ماشاء الله والله انا فرحانة جدا جدا ومش هتتخيلوا الخبر ده فرحنى قد ا يه

مبروك يا ام اياد

مبروك ياتوفى

وربنا يكمل لكم على خير يارب وعقبال كل البنات يارب

معلش انا عارفة ا نها متأخرة بس ربنا وحده اللى يعلم انا كنت بمر بظروف مايعلم بيها الا ربنا

يابنات انا محتاجة دعواتكم جدا

بابا تعبان قوى ودخل المستشفى عشان يعمل قسطرة فى القلب وانا هنا هتجنن عليه لا انا عارفة انزل مصر ولا عارفة اعمل له حاجة
ومش قادرة اعمل حاجة غير انى اعيط وادعيله

ربنا يعلم انا من اول رمضان وانا نفسيتى فى الارض

مع انى الحمد لله اتطمنت على حملى وعرفت انى حامل فى ولد

انا الدكتور قالى من الزيارة اللى قبل اللى فاتت بس قالى لسة مش متاكد

ولما رحتله الاسبوع اللى فات اتأكدت وكنت عاوزة ادخل اعرفكم وافرحكم معايا

بس موضوع بابا ده خلانى معرفتش ادخل اقول لكم

ادعولى وادعوا لبابا

انا لما سألت الدكتور عشان انزل مصر لبابا قالى ممنوع السفر لانى المرة اللى فاتت لما رحتله كنت بعانى من تقلصات جامدة فى الرحم لانى اكلت تمر اول رمضان وده كان غلط لان التمر ممنوع وانا مكنتش اعرف انه ممكن يأذينى كده

بس الحمد لله دلوقتى التقلصات خفت كتير عن الاول


طمنونى عليكم كلكم وانا كل ما اقدر هدخل اطمن عليكم

ام اياد توفى

اسالوا الدكاترة على موضوع الصيام ولو انى قريت ان اول 3 شهور بلاش الصيام عشان خاطر البيبى


وياريت تريحوا خالص وباش اجهاد اول 3 شهور على الاقل وان شاء الله ربنا يكمل لكم على خير ويرزقزا باحلى بيبيهات

ويارب عقبال كل البنات اللى هنا فى التجمع واللى بره التجمع كمان

انا متفائلة بالتجمع الجديد ده ان شاء الله وان شاء الله قبل نهاية السنة يكون التجمع كله حوامل ان شاء الله

يا بنات


على فكرة انا بدأت انهاردة اول يوم فى الشهر الخامس

وياريت تكتبوا ان موعد ولادتى اللى حدده الدكتور 19-يناير 2011

شكرا يا سرسوره علي ردك
بصي ان بدات اخد الكلكسان بس يوم اه ويوم لا

وسالت الدكتور هو ليه انا مش باخد كل يوم عشان انا خايفه في اليوم اللي لا ده يحصل اللي حصل قبل كده

قالي لا شيء مقلق والجرعه تزيد لكل يوم حتي نهايه الشهر االتالت

طبعا انا مفهمتش اوي بس البنات قالولي
انه قصده اني علي اخر الشهر التالت هزودها وتبقي كل يوم

وباخد بيبي اسبرين

يارب يجيو بفايده يارب يا ساره ادعيلي انا واودي

هو انتي يا ساره كنتي زيي؟؟
يعني كان بيتوقف نبض الجنين في الاسبوع 7 ؟؟

الله يبارك فيكي يا بوبا يارب