شاركي في النقاش

سجلي الدخول لإضافة تعليق.

التعليقات

129
  1. @almsmmmissdecor

    صاحبة الموضوع
    هلا وغلا ام خلود ويسعدك يارب
    عزيزتي فكرة الرفوف أقصد أنها تكون بدل الساعه

    والزوايا
    لو تبحثين عن أرفف مثل الأعمده الرومانيه

    pretty eyes*
    عزيزتي ماعطيتيني لون البويه
    وإذا كان لون البويه مناسب مع الأثاث
    وكانت الأرضيه عندك جميله .. مالك الا حل واحد انك تشيلين الفرشه
    أو أنك تحطين طاوله كبيره في الوسط وتحطين عليها مفرش فيروزي عشان تكسرين حدة اللون البني
    وتحطي في الأرضيات خداديات صغار باللون الفيروزي عشان تكسرين برضو حده اللون البني ..
    :::::::::::::::::::::::::::::::::::::::::::::::::::
    الزيتي جميل معه اللون العنابي و الذهبي .. والبيج ..
    لو تحطي لون البويه بيج .. وتدخلي في الأثاث الذهبي وتفرشي عليه قطعه قماش ناعمة على أيدي الكنب باللون العنابي
    أعتقد سيكون رائع جدا
    ::::::::::::::::::::::::::::::::::::::::::::::::
    اللون الرمادي يناسب معه اللون الأبيض أو الاسود أو الفضي
    بإمكانك تغيير اللون الى رمادي وعمل فلفت عليه بلون فضي لامع
    أو أبيض وعمل فلفت بلون أسود .. مع ترك الجدار الرمادي الأخر ساده .
    يعني جدارين فلفت وجدارين ساده .
    The night mare

    أحس ألوان مجلسك متناسقة ليش تقولين كئيب ؟؟
    يمكن الإضاءه عندك لونها أبيض ؟؟
    لو كانت أبيض غيريها وخليها أصفر .
    :::::::::::::::::::::::::::::::::::::::::::::::

    البراءه الطفوليه
    عزيزتي جميله جدا الألوان اللي ذكرتيها
    اما بالنسبه للأسود مارح يشهب اذا حافظتي عليه من الأطفال والأوساخ
    وبالنسبه للون الثالث أي لون رح تدمجيه رح يطلع رائع
    لو تحطي مثلا خداديات أصفر
    أو فوشي
    أو وردي
    أو أحمر
    أو فضي
    كلها رح تطلع رائعه بس خلي اللون الثالث في الخداديات والتحف فقط
    ::::::::::::::::::::::::::::::::::::::::::
    أموره ودلوعه
    حاولي ترسمين لي الصاله والمساحات الفارغه

    :::::::::::::::::::::::::::::::::::::::::

    الرررررررررررررررررريم
    وش رايك أنتي لو كانت الأرضيه اسود وسكري ( شطرنج ) والدولاب أحمر داكن والرخام اللي فوق الدولاب يكون بنفس درجة
    اللون السكري بالارضيه ؟؟ أتوقع رح يكون الدمج بالطريقه هذي رائع ومميز وملفت

    ::::::::::::::::::::::::::
    أهل الكرم والجود
    أفضل أنك تخليها لونين أسود ووردي
    يسير تحطي السوداء على الكنبه وأمامها اللون الوردي
    وبهذه الطريقه يكون التوزيع
    وعددها يعود لحريتك الشخصيه لكن الأفضل عدم كثرتها .
    :::::::::::::::::::::::::::::::::
    ريمااااان
    حطي المطبخ لون سكري والرخام من الأعلى بلون الأرضيه ..
    غرفة النوم بما أن الجدران كلاسيك خليها مودرن عشان ماتسبب لكم توتر نفسي
    والألوان اللي ممكن تدمجيها .. الأسود ..
    وممكن تختارين غرفتك إما أسود أو سكري أو أحمر بس الأحمر يكون داكن لأنه يعي هدوء في الأعصاب لاتاخذي أحمر حار
    الستاره إذا كانت على الجدار الأحمر خليها سكري ومن الداخل أحمر
    ::::::::::::::::::::::
    الصاله
    والله الألوان بحر ... إذا كانت صالتك كبيره اختاري ألوان متوسطة الدكانه
    إذا كانت صالتك صغيره إختاري أفتح درجات الألوان
    وعلى البويه يعتمد لون الأثاث أو إختيارك للأثاث إذا كان أول رح يعتمد عليه لون البويه
    ما أقدر افرض عليك ألوان بيتك ..
    لازم إنتي تختارينها وبعدها أنا ممكن اساعدك في تنسيقه مع الاثاث

    مجلس الرجال
    جميل لو حطيتي لون أثاث الرجال فيروزي . أو تركواز .. أو زيتي وأخضر فاتح
    أو أسود عندك خيارات واسعه لأن لون مجلس الرجال لون محايد يناسب كل الالوان
    بس أعتقد رح يكون فخم إذا حطيتي لونه أسود أو فيوزي أو تركواز
    ::::::::::::::::::::::::::::::::::
    ألمى الفهد
    بالعكس أسقف أطفالك مره حلوه بس المشكله في عدم التناسق في الأحجام

    يعني
    النجوم حجمها صغير بالنسبه للسقف ومساحة الغرفه فيلع شكلها غريب وغلط

    لكن الحل والأفضل أنك تضيفين لهم نجوم تضيء من إيكيا .. وهذي اللي بالسقف لنونيها بلون مخالف للون السقف

    عشان أول شي تبرز وثاني شي مع النجوم اللي رح تركبيها يسير فيه تعناسب وتناسق في الأحجام فيسير شي صغير وشي متوسط
    بالنسبه للنجوم اللي في إيكيا هي لها أسلام فخليهم يمدون لك الأسلاك من داخل السقف يعني يخفونها لك ويشبكونها لك بالفيش يسير لما يشغلون اضاءة الغرفه تشتغل النجوم مباشره
    والكوره مناسبه ماني شايفه فيها مشكله بس برضوا ابرزيها بلون مخالف للسقف

    :::::::::::::::::::::::::::::::::::::::::::::::
    ام زايد
    البيج لون محايد تقدرين تدخلين أي لون براسك رح يطلع حلو

    ::::::::::::::::::::::::::::
    قمر ليله
    نصيحه بما أن مطبخك صغير لهالدرجه لاتستخدمين غير اللون الأبيض في الأرضيه والمطبخ وحطي قطعة الرخام حقت دولاب المطبخ لون سماوي مثلا عشان يعطيك انتعاش ولا تلغين الشباك بتختنقين
    ::::::::::::::::::::::::::::::::::::::::::::
    دمعة حلم

    بالنسبه للجدار الثالث أنا مافهمت انتي قلتي حطيتي عليه البلازما وتحته رف ويمينه رف
    وانه سار فاضي ؟؟

    شلون فاضي وفيه ارفف وفيه البلازما
    إذا تقصدين المساحه حول البلازما فبإمكانك إضافه رف على شماله وفوقه
    وتحطي عليها تحف
    وإذا انا فهمت غلط أو مايمديك حاولي تصورينه أو ترسمينه وتنزلين الصوره عشان افيدك
    ::::::::::::::::::::::::::::::::::::::
    أزهار
    صالتك ممكن تضربيها لون ذهبي رح يطلع روعه وتسوينه روشن ..
    والأثاث بيج وقليل معه العنابي .. أو ذهبي وعنابي برضو بس لاتكثري لون عنابي عشان لايعطي كآبه للمكان .
    مجلس السيراميك اللي لونه سكري .. اختيارك للأثاث موفق
    :::::::::::::
    غرفة نومك اضربيها أفتح درجة في الأورنج .. وحطي الستاره مثل لون غرفتك أو قريب منها جدا
    ::::::::::::::::::::::::::::::::::::::

    غرف الأطفال يناسبها الوردي والسماوي .. والأصفر والبرتقالي
    وسلااااااامتك
  2. @almsmmmissdecor

    صاحبة الموضوع


    تحياااااااااااااااااااااااتي للجميع

    وأشوفكم بعد رمضااااااااااااااااااااااااااااان ان شاء الله

  3. @alaakol

    المصممةMissDecor
    تحياااااااااااااااااااااااتي للجميع وأشوفكم بعد رمضااااااااااااااااااااااااااااان ان شاء الله
    اهلين حبيبتي هاذي المره الاولى اللي اطلع على صفحتك واسعدت كثير بصراحه بردودك على استفسارات الاخوات وياليت حبيبتي تردين على استفساري ضروري جدا واكون لك من الشاكرين وهو متعلق بغرفة ابني حست فيها حوسه :( ماني عارفه كيف اطلعها بشكل يرضيه عموما راح احاول انزل لها صوره وياليت تفيديني:26:
  4. @aathary_amp_am_shhod

    هلا حبيبتي اخبارك حبيت اخذرايك بشغله انا عندي ركن جنب المطبخ الامريكي ويطل على حديقه بالحوش وقزاز كبير شنو رايك بنوع الجلسه اللي احطها بركن هذا او فيدي بشي من ذوقك فديت قلبك وباسرع وقت يالغااااااااااااااليه مشكوره@
  5. @am_shadn_315

    مشكوره حبيبتي على الرد ومن جا ماابطى

    يعجبني ذوقك وجميل اختيارك للون الموف لممر الغرف ولكن هل هذا
    يعني انه ليس من الضروري ان يكون لون الممر ملائم مع لون الغرف
    واحببت ان اسأل اعجبتني فكرتك لاحدى السائلات بأن تجعل الممر بخطوط عرضيه 3 بلون و2 ابيض
    فهل ينفع ان اجعل الممر مخطط بالعرض ايضا
    شاكره لك