بنات القصيم استفسار عن سوق الله يحفظكم

السلام عليكم ورحمة الله وبركاته


خواتي مثل ماتشوفون بالموضوع انا ماعرف شي بالقصيم وابي اسال وش الاحسن الاسواق بريده ولا عنيزه

وهل عندكم محل سمينا واذا عندكم وين هو فيه

وتنصحوني يابنات اخذ مقاضيي من الملابس الحين ولا فيه تخفيضات بعد العيد يعني ابي مقاضي مدارس بدل وشوزات الله يكرمكم

اي صح وين ممكن القى محلات ماركات تبيع شنط وادوات مدرسيه

15 تعليق 32,114 مشاهدة

شاركي في النقاش

سجلي الدخول لإضافة تعليق.

التعليقات

14
  1. @horyh11

    حياك الله في القصيم......


    فيه ببريده....مجمع العثيم مول وفيه ماركات تجنن والبضايع الحين كلها جديده وتهبل والتخفيضات توها مخلصه
    فيه ماركات أطفال ( مذركير..أوركسترا..أوكايدي...مكس..دوبيريل أومم,,,زد..تيرانوفا..

    وفيه ماركات ملابس..نسائيه( مانغو..إيفانز..ايتام ,,لولا..كاش كاش....مكس..السواني بكل محلاتها


    وفيه ببريده...مجمع النخيل بلازا....روووعه وفيه زارا بضاعته هاليومين رهيبه وراقيه جدا

    وبصراحه كل الماركات الحلوة فيه...والبضايع جديده

    وفيه بعنيزة ...عنيزة مول..مجمع كبير ويهبل ومليان ماركات

    ومحل ( سمينا) موجود بعنيزة....محل كبييييير دورين وحلو بالحيل


    وأنصحك تشترين لبس العيد بس ..أما الأغراض الثانيه خليها بعد العيد يمكن يكون نازل عليها تخفيض وتخف زحمة المحلات

    وأغراض المدرسه...فيه العبيكان وجرير ببريده وعنيزة.....
    وفيه أغراض حلوة للمدارس بسيتي بلازا


    الله يسهل أمرك....ودعواتك لي بولاده ميسرة
  2. @aaobaaa

    صاحبة الموضوع
    ورده ولا كل الورود
    لالالا مادام تبين للمدارس وللبيت اصبرررررررررررررررررررررري الاسعار نار والاسواق زفت والناس زحمة وسمينا بعنيزة
    الله يسرلك ماتبقى من ايام حملك ويسهلك ولادتك يارب ياكريم ويقومك بالسلامه وتفرحين بشوفة طفلك باتم صحه وعافيه



    هلا ياقلبي مشكوره ياعسل على النصيحه

    وياليت تقولين اختي وين مكانه فيه سمينا باي شارع بالضبط وعنيزه تبعد عن بريده كثير ؟؟
  3. @sarokh_shaorma

    سمينا بعنيزه والرس اما المجمعات عنيزه مول والنخيل بلازا ببريده والرس مول هذا اللي بالي بس اذا انتي جايه من الرياض طبعا الرياض احلى الف مره كل الماركات فيها مو مثل القصيم بعض محلات السواني مو موجوده

تابعي تجارب أخرى من هذا القسم.