شاركي في النقاش

سجلي الدخول لإضافة تعليق.

التعليقات

72
  1. @shosho22_1

    استغفر الله واتوب اليه
    يوووووووة الموضوع ع الجرح ياااربيييه تصدقون ولا مرة ادخرت بس ان شاء الله احاول
  2. @shykhh_17

    احب البرد
    تسوين جمعيه واذا اخذتيها تشرين اللي تبين وتتصدقين لو بخمسه ريال والله يبارك بفلوسك
    بنات بكم تتصدقون من مصروفكم او رواتبكم ؟؟؟


    انا متقاعده وراتبي 9000 ريال ويطير في اقل من شهر وانسى حتى اتصدق منه


    ادفع 1400 راتب خادمتين لأمي


    اعطي اخوي المتزوج 2000


    اصرف اغراض بيت امي تقريبآ 1000 ريال احيانآ يزيدون


    تقريبآ 200 ريال طلبات الخادمات ( كريمات مرطبه وشامبو وصابون ومعجون اسنان وكوتكس الويز وبطاقتين تيلفون وكل 3 شهور ملابس داخليه )


    500 ريال هدايا : راصده هالمبلغ شهري يعني كل شهر ازور حد لازم بهديه بالذات الحريم لكبار من العيله

    اشتري بها اقمشه وعطر وبخور وحجابات صلاة وشيل الويل السودا للكبار بالسن ومبخره وللبنات ازيد عليهم شباصات شعر وشنطه واي شي حلو القاه بالسوق ...... المهم ان ال500 احيانآ والله تصير 600 حسب الاسعار )


    2000 اغراض بيتي ( اشتري الاشياء الي مايعرفها زوجي زي العصاير والحلويات واغراض الحلا والمكرونه والالبان

    واغراضي الخاصه شامبوهات وكريمات وغيره واغراض بناتي الي ماتخلص ....... كله من كارفور )



    من 500 الى 700 فاتورة تيلفوني


    ولي يصفى اروح الصالون صبغه ومنيكير وترتيب حواجب وغسيل شعر وجلسة ليزر ....... راح الراتب



    ماعرف كيف ارتب اموري


    احيانآ اقول بقلص المبلغ الي اعطيه لاخوي لانه هو وزوجته يشتغلون ...... بعدين اقول حرام انا عودته وهالشي


    بيخرب ميزانيته ....... واحيانآ اقول اغراض الخادمات بشتري لهم من لرخيص انا اشتريلهم نفس اغراضي يعني

    الاولويز والفازلين والنيفيا وشامبو بيرت بلاس وصابون لوكس هذا لو اغيره لارخص يمكن ميزانيتي تعتدل بس

    ماعرف يبيلها المسأله تدوير وانا متعوده على اماكن الاغراض القديمه


    حتى والله تيلفوني فكرت اشتري البطاقه بدل الاشتراك لان انا ماتكلم كثير بالتيلفون مادري كيف كل شهر تطلع


    لي هالفاتوره ........ يعني بطاقتين يكفوني ويزيدون ب60 ريال لكن الكسل لازم اروح الغي اشتراكي وشغلانه .


    250 هذي مبلغ ارباح يطلع لي من البنك يجيبه لي زوجي شهريآ : اعطيه يمنيه عندها 6 عيال ساكنه جمب بيت


    امي فأرحمها وابعث لها احيانآ خادمة امي تساعدها اذا مرضت وهي بعد تزور امي فقلت هي اولى بالمبلغ )


    ياليت يابنات الي تعرف كيف توزع الراتب بشكل افضل تفيدنا والله يبارك لها ان شاء الله
  3. @fstan

    الجمعيات حلوة
    حساب الادخار في البنك احلى
    الحصاله اللي ماتنفك الا بالكسر فكرتها حلوة
    التوفير يفرق حسب احتياجك واهدافك وكل سبب له خطه معينه لازم تمشي عليها وعلى اساسها يتحدد كم المبلغ اللي تطلعيه من دخلك
    الصدقة تبارك المال
    لازم يكون عندك خطه اوليه لتحديد مبلغ ثابت للطوارئ لاسمح الله مستشفى او ظرف او حادث يكون عندك شي تنسندي عليه


    اهم شي تحددي اهدافك -----------------

تابعي تجارب أخرى من هذا القسم.