تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

بصي يا زينب
اولا ربنا يكرمك على مساعدتك لجوزك
انا على كلامك ده مش بساعد جوزي على حاجة
عموما اذا كان الوضع كدة فانا رايي انك تكلمي جوزك بالهداوة والعقل
بصي يا بنتيانا بابايا بيحب امه جدا
وفضل ورا بيت العيلة لحد ما بناه مع اعمامي وقعد فيه
بصي بقى المفاجأة

مشاكل كل شوية
مين طالع ومين داخل
ومين مطلعش يسلم عليه وهو رايح لستو
وهو بابا حنين جدا بس بيصعب عليه يلاقي اخواته قريبين منه مسافة دور واحد ويكسلوا حتى يرنو عليه الجرس عشان ينزل يقعد معاهم

وده ايه
ام وابن واخوة
ملناش دعوة كدة بمرات الابن خالص
وانا لان مامتي طيبة ومش في دماغها وكمان جدتي ام بابا طيبة جدا وست كبيرة في السن
فالمشاكل تعتبر مقدور عليها
مين خد طبق ومرجعوش ووو
انا كل ده باحكيلك عشان حاجة واحدة
عشان اقولك ان البعد افضل وانا معاكي في ده
خصوصا ان انتو عمركو بوصفك ده ما هتبعدوا عنهم
وكل شوية هتزوروهم
بس الزيارة ساعتها هتبقى ليها طعم وتلاقي نفسك ليكي قيمة
مش زهقانين منك وكل ساعة انتي قدامهم


انا معاكي في الانتي بتقوليه
بس الموضوع لازم يتاخد بالعقل وتدخلي لجوزك من مدخله الصح
اكيد انتي اكتر واحدة عارفة المفروض تكلميه امتى وازاي
ومتنسيش ان دي امه يعني اكتر حد هيحب يسكن جنبه
بس هو مش مقدر المشاكل اللي بتحصل من القرب الزيادة

بس يا زوزو لو اصر
متزعليش وتصري انتي كمان
وصلي استخارة
ربنا يتولاكي ويختارلك الخير يا رب
ويكفيكي كل شر:26:

ايوه ياتوتا انا اهو جيت عشان خاطرك
بالنسبة للحجامة انا زوجي كان عايز يعملها
بيقولك للأنسان العليل يعني لو انتي بتعمليها عشان علاج يبقه في اي يوم في الشهر مش شرط 17 و 19 و 21
اما لو انتي انسانة صحيحه و بتعمليها سنه فقط عن الرسول عليه الصلاة و السلام يبقه في الايام دي
وعلى فكره بيعملوها بره و اسمها cupping