اخواتي الغاليات
الله يسعدكن ويرزقكن ماتتمنن يارب
وقفتكن معاي لو بدعائكن لي اسعدتني وقوتني
لكن لي تعليق بسيط على الاخوات اللي يقولون لي اشتكي للمحكمة
مااقدر اصلح كذا
مو عشانهم ولا خوف منهم لا والله
لأجل خاطر أبوي حتى لو كان تحت الارض وخاطر أمي
بقولكم ايش صار معي
الرجل :arb: كلم اخوي ووضح له الاسباب وقاله انا متمسك فيكم وشاري نسبكم
وقاله ان كل اللي صار اول والكلام اللي قاله اخوك الكبير عني انا مااخذت فيه
طبعا اخوي الصغير قاله خير
وماقصرت زوجته بنت حلال من لحظتها الى الان وهي تقنع فيه ودخلت له من باب الحلال والحرام
واني يتيمة وبذمتهم
وصارت تقوله حرام عليك روح اسمع من اختك وهي مو صغيرة وتتحمل نتيجة قرارها
واليوم اقنعته يجي يتناقش معي
وجاني وطلعت كل اللي بقلبي وجلست :icon33: :icon33: لحد الانهيار
وقلتله انا امانه بذمتكم بس ماحافظتوا على الامانة لو ابوي عايش ماتركم تتحكمون فيني كذا
حرام عليكم ابي طفل يشيلني بكبري
وانتم لما تزوجتوا مااحد فينا وقف بوجهكم بالعكس وانا بالذات كنت عون لكم ماكنت فرعون
وانتم لما جاء الوقت اللي المفروض توقفون معي عارضتوا
قالي ماناقصك شي يوم مااعرستي
قلت الا يااخوي ناقصني اكون ام وانا مو عمري 20 او 22 اقول عندي فرص عمري اذا ماانت داري او ناسي اذكرك
انا عمري 35 سنه
هذا انتم كان ناقصكم شي قبل ماتتزوجون
سكت وطلع
ونادى امي وماقصرت امي عطته وارضته وقالت اتقوا الله فيها هذا وانا عايشه وماقصر الرجل شاري نسبكم
جلس يقول اعذار وحجج سخيفة
وبعد ماطلع من البيت ارسلت له رسالة على جواله قوية كتبتها وانا ابكي كتبتها بقلب محروق
وشوي الا الكبير جاي اول ماشافته امي طلعت من البيت وجلس ينتظر فيها ومارجعت الا لما تاكدت انه طلع
الى الان ماادري ايش بيرد على الناس
ادعولي اخواتي الحبيبات ان الله يحنن قلوبهم ويوافقون لاني
تعبت تعبت تعبت
حتى الصلاة معذورة هذه الايام ونفسيتي منهارة
ياحبيبي ياابوي انا بحاجتك
اللهم انك انت العزيز الكبير .. وانا عبدك الضعيف الذليل الذي لا حول ولا قوة له إلا بك ..
اللهم سخر لي اخواني كما سخرت فرعون لموسى ولين لي قلوبهم
كما ألنت الحديد لداوود فإنه لا ينطق الا بإذنك ناصيته في قبضتك قلبه
بيدك جل ثناء وجهك يا أرحم الراحمين ..يا أرحم الراحمين..
يا أرحم الراحمين
اللهم كما سخرت الرياح لسليمان سخر لي اخواني ويوافقون على هالشخص يارب
وكما ألنت الحديد واذبته لداوود أذب قلوبهم وسخرها
اللهم اني اسألك بأني اشهد بأنك أنت الله الذي لاإله إلا انت الواحد الأحد الفرد الصمد الذي لم يلد ولم يولد
ولم يكن له كفوا احد إقضي حاجتي وفرج كربتي وصلى الله على سيدنا محمد عليه الصلاة والسلام
لاتنسوني من دعواتكن اخواتي الغاليات
واذا استجد شي راح ابلغكن
اخواتي الغاليات تتذكروني انا اللي انخطبت ولكن اخواني وقفوا في وجه سعادتي / مستجدات
متابعة النقاش، صفحة 9