تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

متابعة النقاش، صفحة 57

شاركي في النقاش

سجلي الدخول لإضافة تعليق.

التعليقات

2,165

  1. @ashtkt_alyk

    زينب ....
    ازيك يا حبى....وكل سنة و أنتى طيبة..
    بصى بقى...فيه كلمتين محشورين فى زوري لازم أقولهم...وخصوصا انى و انا باقلب فى المشاركات اللى فاتت لقيت مشاركتك اللى بتقولى فيها اللى حصل الفترة اللى فاتت فى علاجك...
    بصى يا وزتى....انا حاسة انك لحد دلوقتى منشطتيش تنشط مظبوط و مناسب ليكى علشان نحكم ان خطوة التنشيط مش تمام....
    ومش معنى ان البروجسترون كويس ان بلاش من التنشيط....
    انا كتبت قبل كده و هاقولك تانى....فى الشهر اللى قبل الحمل كان البروجسترون عندي 22...وده رقم كويس جدا...ومع ذلك ممنعش إنى آخد كلوميد و 9 حقن تنشيط......
    اللى عايزة أقوله...انك اخدتى كلوميد لوحده فى شهور...ولما اخدتى إبر اخدتى كمية كبيرة اوي اتسببتلك فى رفع الاستروجين لدرجة تخوف اي طبيب انه يكمل معاكى التنشيط فى الشهر ده....يبقى اللى المفروض نعمله الفترة الجاية يا حبيبتى اننا ناخد تنشيط معقول و ممكن الكمية تزيد حسب الاستجابة....ونستمر كام شهر وانا وااثقة ان ربنا هيكرمك و يفرح قلبك....وطبعا اللى يحدد الجرعة لازم يكون دكتور كويس....ويا ريت تغيري دكتورتك ديه لانها واضح انها مش عارفة تظبطلك الدنيا ولا تظبط جرعات التنشيط معاكى....

    يلا دوريها فى دماغك كده و تعالى قوليلى ناوية على إيه يا قمر.....


  2. @ashtkt_alyk

    مصرية....
    ازيك يا قمر....وربنا يعينك على العزومة و تبيضى وشنا....
    وفعلا انا أؤيد رأي مها بالثلث...اوعى تجربى صنف جديد فى عزومة....لازم تكونى جربتيه قبل كده بينك و بين جوزك و لكا يطلعحلو نعمله فى العزومة لان الوضع مش بيبقى مستحمل مفاجآت...

    وبالنسبة للسى فوود...فانا مش بأميل ليه أوي بالرغم من فوايده الكبيرة...ده غير إن آخري أنا وجوزي فى اكل السمك هو البلطى و البوري و الجمبري....وياما مقلي أو مشوي....غير كده مبناكلش....علشان كده للأسف مش هأقدر افيدك أوي...

    بس هاقولك على حاجة كويسة بتوفرلى وقت كتير فى العزومات و فى وقتى فى المطبخ بشكل عام...وهو ان اللى تقدري تعمليه و تخليه نصف مجهز و تشيليه فى الفريزر اعمليه.....وده هيوفرلك وقت ممتاز.....وطبعا بصى كمان لنصايح اختنا ام عتريسة لانها فى الجون..
    يعنى هاقولك كام فكرة....رز السمك بيتعمل ببصل محمر....ممكن تفرمى كميه و تحمريهم و لما يبردوا تشيليهم مفرودين فى اكياس فى الفرير...ووقت الاستعمال تطلعيه وتسخنيه وهيبقى كانه طازة (انا على طول باعمل البصل كده و اطلعه للاستعمال فى البيخ ا المحشى او اي حاجة محتاجة بصل...
    ممكن كمان تقشري كمية توم كبيرة و تشيليها فى برطمان محكم فىا لفريزر علشان يوم العزومة متقعديش تقشري.....

    وربنا يوفقك و يعدي اليوم زي الفل بأمر الله...

  3. @ashtkt_alyk

    شيمولاتا...

    ازيك يا حبيبة قلبى.....بقالى كتير ماتكلمتش معاكى....
    بجد واحشانى كتير....يا رب تكونى بكل خير يا قمر...
    انا عرفت انك أول احدة بلغتى البنات بخبر ولادتى....يا رب يا شيمو ابشرهم انا كمان بخبر حملك وولادتك كمان فى القريب العاجل...
    انتى تستاهلى كل خير و بأمر الله هنفرح بيكى ....
    بس أنتى شدي حيلك و استحملىرزالة العلاج شوية....وبأمر الله ربنا مش هيضيع تعبك ابدا ابدا...

  4. @ashtkt_alyk

    باقى البنات....بجد نفسى أكتبلك و أسلم عليكم واحدة واحدة.....بس لأنى مقريتش كتير أي من اللى فات..فحاسة إنى تايهة و مش عارفةأخبار كتير.....

    عموما سلامى و قبلاتى لكل واحدة فيكم....وأشوفكم على خير لما أرجع من عند ماما بأمر الله .......ويا رب أرجع و ألاق كل الاخبار الحلوة عندكم....

  5. @almshtak_lmk

    اشتقت اليك
    مشمشة قلبى.... خلاص هانت يا قمر ....يلا شدي حيلك و إن شاء الله ربنا يطمنا عليكى أنتى و هدي.... ومتقلقيش يا مشمشة...اللى أعرفه إن زمان كانوا بيعملوا القيصرية بالطول مش بالعرض زي دلوقتى...وكانت الأمور بتعدي....اعتقد ان مشكلتها بس إنها مكنتش …
    :42:
    الحمد لله يا توتا انها عت على خير بس انا نفسي تسالي اكتر ومتعملهاش الا وانت متاكده انك تمام واهو ام عتريسة ربنا يجازيها كل خير افدتكوممكن تساليها اكتر وكمان هي بتتعمل في اوقات معينة وقولي لجوزك يعملها كمان هي مفيدة ليهم جدا
    ربنا يرزقك من غير عمليات يااااااااارب


    ايه ده يا مسلمة ؟؟؟
    سلام من بعيد؟؟؟
    ماتدخلي تطمنينا عنك
    ولا اجي لكندا اعضك:nerd::freak6::S_45:


    ربنا يخليك ليا ومايحرمنيش منك ابدا
    وماتنسيش تقوليلنا عملتي ايه في العزومة
    كان نفسي اساعدك وعندي اطباق ممتازة بس الاكل مختلف ولازم ياكلو حاجة مصري ربنا يعينك


    :icon28:
    شوشو حبيبة قلبي الف الحمد لله على سلامتك
    وربنا يخليك على كلامك الحلو
    انا مهياه نفسيا
    بس الخوف مسيطر شوية على لاني جربت عملية من قبل وتعبت فيها
    ربنا يخليلك عمر وانس ويجعلهم قرة عين ليك

تابعي تجارب أخرى من هذا القسم.