لكل الطلاب والطالبات الذين لم يحالفهم الحظ في القبول في الجامعات هناك فرص

الفرصة الاولى



الدفعه الاحتياطيه في جامعه الامام
كيف التسجيل فيها
عاد اسأليني انا ..خبره فيها
ثلاثه من صديقاتي انقبلو فيها الحمدلله
واللحين بأذن الله اربعه راح يسجلون بنفس الطريقه وحده منهم بتروح بكره ان شاء الله
يوم 23 ثمانيه
وبعلمك وش صار لها ان اشاء الله
الطريقه هي

تخلين احد من خوانك او ابوك او اي احــد
يروح جامعه الامام حقت الطلاب
قســـــم عماده القبول والتسجيل

الموقع في حي الفلاح عند المطار


ويعطيهم ملفك وراح ياخذونه ان شاء الله
وتطلع الاسماء قبل الدراسه بأسبوعين
ويقبلون ناس كثير نسبهم نازله
والله ماشاء الله عليهم جامعه الامام محد يسوي كذا مثلهم
وقلت لك ثلاثه من صديقاتي انقبلو وقريت اسمائهم بنفسي ..والطريقه هاذي عرفتها السنه اللي فاتت من منتدى جامعه الامام ومن صديقاتي اللي راحوا
ولما تنزل النتائج تطلع في الجرايد الالكترونيه (الرياض ) وتطلع في موقع جامعه الامام وفي منتدى جامعه الامام
وفي كثير من المنتديات ..

تخلين اي احد يروح يودي ملفك في رمضان
وكنت اقرى هذا الكلام في منتدى جامعه الامام
السنه اللي فاتت ان اغلب اللي سجلو راحو في رمضان وانقبلو وبدون واسطه بعد
عشان كذا انصحك تروحين في رمضان متى عاد ما ادري اتوقع مافيه وقت محدد لان فيه ناس رايحين شهر عشره وانقبلو
والاوراق المطلوبه هي :
شهاده الثانويه واربع صور منها
شهاده حسن السيره والسلوك وثلاث صور
نتيجه اختبار القدرات وصورتين على الاقل
تطبعينها من المركز الوطني للقياس والتقويم
صور كرت العائله ثلاث نسخ ..

وزي ماقلت تنزل النتيجه في شهر عشره قبل الدراسه بأسبوع حتى لو تأخرت لاتخافين تابعي قوقل كل شوي
وترى يسمونها الدفعه الاحتياطيه
واذا شفتي الاسماء لاحضي جنب اسم الطالب تاريخ المراجعه يعني يراجعهم في تاريخ كذا وكذا
والتاريخ متأخر شوي يعني لاتستعجلين وتنتضرين توصلك النتيجه بسرعه





















الفرصة الثانية






اللي هي الانتساب في جامعه الامام

وهذا ردي لاحد الاخوات عن الانتساب في جامعه الامام فضلت احطه لانه شامل

في جامعه الامام نوعيــــــــــن من الانتساب

1- أنتساب مطور

2- أنتساب تقليدي

وكلها لازم تدرسيــــــــن قبلها دوره تأهيليه مدتـــها تــرم واحد ورسومها ثلاثه آلاف ريال

وطريقه دراستها على النــت ..وفي وقت الاختبارات تختبرين في الجامعه ..أو في مراكز اختبارات

.............................. .........................


لما تخلصيـــن الدوره التأهيليه تختارين أحـــد انواع الانتساب سواء تقليدي او مطور ..


الانتساب المطور ..تدرسيـــن على النت ورسومه الفين وخمس ميه ريال2500.

وتخصصاتها (..شريعه ...دعوه ... أداره أعمال .. أقتصاد ..)
ادراه اعمال واقتصاد ماتقدرين تحولين الا بعد مرور ثلاثه اترام على دراستك
ويشترط للتحويل معدل 3.75
وهذا الشرط صعب صراحه

اما الدعوه والشريعه تقدرين تحولين من الترم الاول والمعدل المطلوب للتحويل هو 2.75
يعني تقدرين تحولين بسهوله مايحتاج تجتهدين بس جيبي تقدير جيد
هل هذا صعب ؟

وتخصص الدعوه اسهل من الشريعه
والاختبارات راح تكون صح وخطأ اوا ختياري
يعني سهل تحلين الاسئله وتتفوقين فيها كمان

أما الانتساب التقليدي مجانـــاً ..وطبعاً معروف تذاكرين في البيت وماتدرسين الا في الاختبارات النهائيه

وتخصصاته ( أصول ديـــن ..ولغه عربيـــه )

واذا جبتي معدل مرتفع تقدرين تحوليــن أنتضام وتاخذين مكافأه وتكتب في شهادتك انك انتضام

بس اذا مضى على شهادتك الثانويه أكثر من خمس سنوات ماتقدرين تنتضمين ...


ملاحضه : بعد الدوره التأهيليـــه يقبلونك انتساب على طول يعني مافيه مفاضله وناس تنقبل وناس لا ..


كل اللي يدرس دوره تأهيليه ينقبل انتساب على طووول ..


واذا عندك استفسارات ادخلـــي على منتدى الجامعه راح يفيدونك عن مواعيد التسجيل وغيره


http://www.imamu.edu.sa/support_deanery/e_learn/Pages/ques_asso.aspx






الفرصة الثالثه









التقديم لجامعة الاميرة نوره على الدفعة الأحتياطية مبنى العماده مخرج 9 بوابه 12

و الدوام الى 22 رمضان ومن الساعة 9 الى 1

وتطلع النتاائج في 15/9






بيعطونك ورقه تسجلي فيها نسبة الثانويه والقدرات والتحصيلي والسجل المدني وارقام جوال
بس قبل ما تروحي احسبي نسبتك المركبه
اذا فوق70 روحي والله معاك
اذا 60 وتحت لا تروحي لانهم بيطردوك



منقول من إيميلي --دعواتكم يا أخواتي لا تنسونها --