تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

شيمو وحشااانى جدا ... ربنا يعديلك الفترة التهبيطية دى على خير ونباركلك مع أول تنشيط ان شاء الله
بالنسبة للدواء الجديد هو منظم هرمونى .. اسمه انا مش فاكراه لأنه عبارة عن اختصارات حروف ... لما جوزى يجبلى الدواء بكره من عند حماتى حبقى اكتبلك اسمه ... الدكتور بيقول ان فيه ابحاث حول هذا الدواء الجديد فى تحسين جودة البويضات لمن تجاوزت الاربعين ... وربنا جعل لكل شىء سبب ... الحمد لله

شيمو حبيبتي ازيك والف سلامة عليكي يا جميل العلاج التهبيطي مش بيعمل دوخة انا باخذه بقالي 9 شهور زي ما انتي عارفة لم يعمل لي دوخة ممكن يكون عندك ضعف حاولي تاخذي فيتامينات خذي كمان كالسيوم وان شاء الله تكوني بخير واسالي دكتور عادل يمكن يعطيك فيتامين بالشفاء ان شاء الله يا شيمو

بصي ياستي صينية القراميط بقلي القراميط الاول بعد تتبيلها زي اي سمك عادي بتوابل السمك والثوم والملح واغطيها دقيق بعدين اقلي .. ده بيخليها الذ بكتير كمان بيقلل ( الزفارة ) الي ممكن تكون فيها ..

بالمناسبة في حركة حلوة لما تيجي تقلي سمك جزل الجزء الي بيبقى من البطن لو رميتيه في الزيت على طول كده بيفتح زي حرف U او V ومبيبقاش شكلها حلو فاحسن حاجه انك تحطي القطعه على جنبها وتضمي الجزئين بتوع البطن على بعض بحيث تبقى كانها دائرة ( زي السينمون رول كده ) هتفضلي مسكاها شويه بالملعقة الي بتقلبي بيها لغاية ماتثبت عل الشكل ده .. هيطلع شكلها في القلي تحفة ..

بالنسبة للسكر في الرز بيطلع رائع برضه واصلا لو خدتي بالك الرز بالمكسرات بيكون فيه زبيب وهو مسكر وبيحلي الطعم .. وفي ناس بتعمله بالكراميل بتاع الكريم كراميل الجاهز بس انا نفسي بجيب الكراميل الجاهز بدون سكر لان عمله في البيت اسهل من تطليعه من الكيس :)

بتحطي ملعقتين تلاته سكر في مقلاة صغيره وعليهم ملعقة صغيره ماء وتقلبي كويس وتسيبيهم على النار لغايه مايتكرمل ويتغير لونه بعدين هتصبي عليه المية وتسيبيه يغلي بعدين تحطي له مكعبين ماجي وخلاص على كده بقى جاهز .. طبعا ملعقة المية بنحطها على السكر عشان لو خايفه ينحرق منك او حاجه دي هتخليه مينحرقش ان شاء الله ..


ومتنسيش سلطة الطحينة..وبالمناسبة اليومين دول موسم للباذنجان ياريت تعملي بابا غنوج كمان ..

بوبتى حبيبتى ربنا يطمنك على والدك يارب ويكملك حملك على خير

متفائلة ... على فكرة انا بعتلك مع نادو مباركتى على حملك لحسن تفكرى انى طنشتك ... ربنا يكملك على خير يا حبيبتى

ريمو يعنى قولتيلى حتدخلى ولا حس ولا خبر .... على العموم ... انا حقوم بقى والى لقاء قريب بإذن الله