تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

اشتقت اليك , وتوته ..

شكرا على الترحيب ..

السي في بتاعتي متردده اكتبها لاني اصلا متردده من فترة اشارك في التجمع لاني بحاول انسى .. بس بما اني بدخل معاكم يوميا تقريبا وبما ان الموضوع غصب عني شاغلني فالظاهر ليس امامي غير الاعتراف ..

نبدأ باسم الله ..

الاسم : ام عتريسه .
السن : 35 سنة
متزوجة من 7 سنين تقريبا .
عدد الابناء : بنت واحده عمرها 6 سنوات ..
الحمل السابق : حملت مرتين .. المرة الاولى بنتي الوحيده حملت فيها بعد شهر واحد من الزواج.. المرة الثانية كانت من ثلاث سنوات تقريبا وولدت في الثامن وقدر الله وماشاء فعل ..

سبب تأخر الحمل : تكيس المبايض احيانا واحيانا اخرى مفيش..

الدكتور الي بتابع معاه : تابعت من شهرين بس وسألت دكتوري ان فرض ومحملتش الشهر ده الافضل اخذ راحه ولا اكمل قالي خذي راحة فحاليا مش بتابع مع حد ..

دي السي في بتاعتي باختصار وان شاء الله في مشاركه جاية اقولكم على حاجات عملتها كانت عون لي بعد الله في حملي الثاني الي فات ده ..

النهرده حصل موقفين مزعجين..

كنت عمله متابعة تبويض الشهر ده وكل شيء كان ماشي تمام .. موعد الدورة لسه باقي عليه ثلاث اربع ايام بس الحقنة التفجيرية اخذتها من 13 يوم . اتصلت بالمركز عند الدكتور قالوا لي ممكن تحللي دم دلوقت يبان .. مقدرتش انتظر اكتر من كده ورحت حللت.. الحمد لله طلع نيجاتيف :(

خذتها في نفسي وانكتمت وسكت ..

رجعت البيت لقيت بنتي بتلعب مع اولاد وبنات عمها .. بتحبهم وروحها متعلقة بيهم ..حصلت مشكلة صغيره بينهم وبين بعض .. كان العقاب الي بيعملوه فيها كل مرة لو هي غلطانه او حتى الغلط عليهم .. مقاطعة شاملة وممنوع حد يكلمها ولو هي حاولت تكلم حد فيهم ينبه عليه الاكبر منه ان دي ممنوع حد يكلمها او يرد عليها ..

متخيلين المنظر لما جات لي مفطورة من العياط ياماما مبيكلمونيش ياماما محدش بيحبني ..

خبطتين في يوم واحد بس الحمد لله على كل حال اكيد له سبحانه حكمة ..

ريموا معاكي حق لازم نشوف تفسير للحكايه ده بس انا عن نفسي اتعاملت زي المصرين في اي تكاليف يمكن لاني سودانيه وبيعتبرونا زي المصرين ويمكن لانهم ما اكتشفوش اصلا اني مش مصريه لان شكلي وكلامي مصري مش عارفه بس جوزي سوداني سودان شكلا ومضموننا هههههههههههههههه
واحتمال هما بيزودو على الخليجين بس لانهم ماشاء الله اغنياء مش عارفه

السلام عليكم
ازيكم يا امهات المستقبل
اخباركم ايه؟
مصرية
ربنا يعينك علي العزومة وان شاء الله تشرفينا
انا بقي عكس الناس في اكشن اول مرة ببقي ظابطة الاكلة قوي وبعد كده من الثقة مش بعرف اظبطها تاني ابدا واما عن اول اكلة سمك بعد الجواز فدي كانت كبسة قوي
بعد ما تبلت السمك اكتشفت ان معنديش دقيق
فحطيته في صينية ودخلته الفرن
بقي طعمه حلو بس شكله من بره مسلوق
عجب جوزو
بس انا كنت مكسوفاااااااااااااااااااااة
ام عتريسة
منورة
ايه الجمال والتمكن ده
الله ينور
وان شاء الله ربنا حيكرمك قريب وفريق بحاله يلعب مع بنوتك ومتحمليش نفسك فوق طاقتها
شوشو
حبيبتي
عاملة ايه؟
وايه اخبار عمورة؟
الاسم ده غالي عليا
قوي قوي
فخدي بالك منه وخلي انس ياخد باله منه هو كمان
شيمو
الف سلامة عليكي
قلبي معاكي ربنا يخفف عنك آثار العلاج ده ويعدي ايامه علي خير ويجعل فيه الفايدة يارب يارب
اوكسي
حمدالله عالسلامة
وحشتينا