ناويه اطلب الطلاق وابي رأيكم ؟؟؟؟ واحتسبوا الاجر بردودكم

الدين الأخلاق

اعانها الله

اختي قوليلها تشيل فكره الطلاق من راسها لانها لو هي حاطه ببالها راح تحس طول عمرها انها مو مرتاحه وانها على شفى حفره منه لكن لو نسته ورضت بنصيبها وصبرت واحتسبت ان شاء الله ربي يغيره على ايدها لما يحبها
قوليلها تستغل الاوقات الهاديه الي يكون رايق فيها وتتقرب منه وتتودد له

اختي ياما ناس صبروا على الويل وربي سخرلهم ازواجهم وتغيروا عشانهم
الله يصبرها ويسخر لها زوجها ويوفقهم مع بعض
خليها تتجنب اي شي يخليه يثور او ينرفز
وتلزم الصمت اذا حست انه بدا يسب او يعصب عشان كذا راح تحرجه
لكن بنفس الوقت لا تحسسه انها طوفه هبيطه .. يعني خليها تبينله ان سكوتها وصبرها عليه احتساب اجر وابتغاء مرضاة الله
يعني ممكن بصمتها ينقهر ويتغير باذن الله
زي ماقالت اختي جزاها الله خير تفتح اشرطه يعني ماتوجه الكلام وتقول اسمع تعلم .. لا بشكل غير مباشر تسمعه
وتدعي ربها دايم وربي مايخيب عبد يلجا له وتخلي ثقتها بالله كبيره
ترى الطلاق شي صعب وسيء وغير مقبول في مجتمعنا وهذي المشكله
وان شاء الله عشان صبرها ربي راح يعوضها خير
ولا تقول ما اجيب عيال وتخاف من هالشي بالعكس قوليلها تدعي ان الله يرزقها عيال يمكن سبحان الله اذا جابت بيحس بالمسؤوليه اكثر ويتغير ويخف من العصبيه اذا حملت وخاف عليها

الله يعينها ويقويها ويعوضها خير ياااارب
اختك اوركيده

اول شيء خليها تسوي مانع من الحمل هذي اهم نقطة
وتستمر كم شهر بعد معاه يعني 6 شهور زياده وتشوف وتحاول تغير اسلوبها معاه بشكل ثاني
واذا ما صار تغيير و
اذا استنفدت كل الوسائل ودامه دايم يوعد قدام اهلها حتى ومافيه فايده فهاذا رجال شكله ما عنده وعد ولا عهد
وكل شيء الا الاهانة وقلة الاحترام كله كوم وهذي المسألة كوم لحاله
وما دام ما عندها اولاد ومن الان مو قادره تتحمله واستنفذت كل الوسائل تستخير وتتوكل على الله وتطلب الطلاق
بدون ولاد افضل من طلاق ومعها اولاد

والله المستعان والله يهديه