لو انتي في قطر اخذي تحويل من المركز الصحي او خذي موعد في العيادة المسائية و بعدها اطلبي منهم تحويل
اذا خارج قطر كلمي المستشفى و اطلبي قسم الانابيب اساليهم .
و الله يسر امرج يارب.
شخبارج .
ما ادري ليش احسج وايد قريبه مني يا ريتج عندي في قطر كنا ترافجنا و تزاورنا ..
الكيس يا عمري شيليه وايد ناس يشيلونه في عملية منظار و العملية سريعةو سهلة لكن اللي اعرفه ان ممكن كورس حبوب منع الحمل على الاقل ٣ شهور ممكن تودي الكيس بدون عملية فانتي اطلبي حبوب منع الحمل و في وحدة اعرفها تتابع عن دكتور عمر عندنا عطاها قبل الانابيب حبوب منع الحمل قالها ان يساعد بطانة الرحم و يقويها قبل الانابيب و انا اشوف الاجانب بعد ياخذونها قبل الانابيب فانتي اضربي عصفورين في حجر واحد :)
الله يرزقج يارب و تسافرين و ترجعين بالسلامة .
و الله تعطلت اول خمس ايام شوي بس اللحين ماشية قريب الختمه ان شاءالله يارب ..
و المسلسلات مافيه غير كريمو يحطونه اليهال عقب الفطور خفيف و سخيف و يونس شوي وبي مالي بارض للمسسلات الخليجية و النكد .. الواحد مب ناقص و كل مسلسل فيه وحدة ما تجيب عيال .. الواحد ناقص خخخخ ..
الله يتمم لج على خير يارب و تفرحين فيه بين ايديج احس ان فيج ولد بس ما ادري مافي شي معين مجرد تخمين خخخ
و الحكة روحي اخذي تحاميل و سوي غسول ماي وملح انا قالت لي الدكتورة اغسلي بماء وملح لو اكثر من مرة في اليوم متى ما حسيتي بحكة و ازعاج و اشربي بيرة بس عاد كحول :42: في نكاهات فراولة و تفاح حلوة وتخفف النسو و تدر البول تخفف الالتهابات و الفطريات بس انا كنت اشربها تخفف اللوعة وايد اول مرة شريت كل النكهات و جربت و بعدين استقريت على الفروالة و التفاح .و ما تشوفين شر .
الواحد يأنبه ضميره لما يسوي شي غلط مب لما يكون شي صار خارج ارادته يعني لو منج او منه هل انتوا قاصدين هالشي او تبون تسونه او كان في ايدكم غيره .. هذي من ربي العالمين ارزاق يقسمها. انا اعرف واحد العيب من زوجته و تزوج عليها ان يبي عيال و مرته الثانية صارلها قريب سنة و بعد ما حملت لانه رزقة جذي .
و بعدين لا تدخلون حد في خصوصياتكم لا اهلج و لا اهله خلج انتي و ريلج على نفس الخط و متفاهمين و الباقين يصفلوا على قولة الشامين .و عن اللقافة لا تزرعين الفكرة في راسه و روح شوف حياتك لا بعد فترة يصدق السالفة و تكبر في راسه .
و اخذي في الاسباب لكن لا تفكرين وايد ليش لان هذا قدر و مكتوب و الناظر او المجادل في القدر كالناظر للشمس .. كل اللي بياخذه في النهاية عوار الراس بدون اجابة .
فكري في نفسج و اتركي كل شي عنج و خوات ريلج ادعي دعوة نوح ... انا مجربتها .. قولي ربي اني ظلمت فانتقم .. تسوي العجب ..:)
ان شاء الله يارب طفل صحيح سليم معافي يارب ولد او بنت .. :) ربي يثبته لج يارب و تفرحين فيه .
الله يعينج انا بعد كل محاولة يجيني التهاب ماعدا هالمرة الحمد لله حسيت ببوادر حكة سويت غسول ماي و ملح و خف الحمد لله .
ان شاء الله تكون الثالثة ثابته انا بالنسبة لي كانت ثابته و ان شاء الله انتي بعد .. كله اختبار من رب العالمين انا كنت اقول ربي حاب يسمع صوتي علشان جذي ياخرلي الرزق لانه عارف اني بيخف عزمي لما احصل اللي ابيه فانتي استمري وخلي عندج يقين ان ربي حاب يسمع صوتج سمعيه كل يوم صوتج بالدعاء و ان شاء الله لو الاجابة خير ما راح يحرمج منها يارب .
---------------------------------------
اخباري بديت العد التنازلي للانتقال ان شاء الله كنت برجع بيبياتي البردانين هالشهر بس غيرت راي لاني ابي انقل و استقر بعدين ...
من بعد بكرة ان شاء الله( ناطرة يخلص القرنقعوه ) ببدأ اغوص :42:في الكراتين و الشنط و الله ييسر يارب و اعيد في بيتي :)
ملف المقبلات على اطفال الانابيب والحوامل في دولة قطر (التجمع الثــــامن )
متابعة النقاش، صفحة 145