هذا الموضوع وضعته هنا من فتره وتم حذفه بسبب وضعي لروابط فيديوهات "يوتيوب"
وبما اني شفت منه الكثير من الفوائد واكتشفت أشياء جديده وغريبه !! وتفيد البشره اصريت ارجع احط الموضوع مره ثانيه
بس ما بحط الروابط .. بكتب لكم المكونات والطريقه ..
اولا قناع الاسبرين مع العسل ..
تأخذين 3 حبات من حبوب الاسبرين وتبللينهم بماء شوي الى ان يصيروا هشين ..يعني تظغطين باصبعك عليهم وينهرسوا
تضيفين عليهم ملعقة عسل .. وتخلطينهم مع بعض ..
تاخذين الخلطه وتفركين وجهك بها "مع تجنب المنطقه حول العين" ومن ثم تغسل
مثاليه لحب الشباب ..تفتيح البشره .. وتصفيتها من الكلف والنمش ..
# ضروري بعد القناع ترطبين بشرتك لأنه يجفف البشره ..
واللي حابة تشوف بعينها .. تدور في يوتيوب على كلمة "Aspirin Mask"
يتبع
شاركي في النقاش
سجلي الدخول لإضافة تعليق.
التعليقات
141- الله يعطيك العافيه ..
- ثاني خلطة اللي هي ..
قناع البيض .. سهله جدا ولكن طريقة وضعها مختلفه ..
تأخذين بيضه وتفصلين البياض عن الصفار .. تخلطين البياض الى ان يسوي رغوة .. تأخذين منه باطراف اصابعك وتوزعينه على بشرتك
وتنتظرين الى ان تنشف وتغسلينه .. ترجعين للصفار
بشوكه تحاولين تأخذين الطبقه الخارجيه للصفار وتوزعينها على بشرتك .. وتغسلينها بعد ما تنشف
البيض مفيد جدا للبشره .. البياض تفتيح وتنظيف وشد والصفاح ترطيب وتغذيه ..
واللي تحب تشوف الطريقة بالعين المجرده .. تكتب في يوتيوب "Egg Mask Facial"
هاااه لا تحذفوون الموضوع .. ماحطيت روابط .. - ثالثا قناع الارز ...
وطريقته سهله وااااااااااااااااااايد ..
تأخذين ارز وتضعينه في وعاء وتسكبين عليه ماء الى ان يغطيه .. تخلطينه زين >>يعني كأنك تغسلين الارز
ومن ثم تأخذين الماء .
وتضعينه على بشرتك اما بقطنه او تأخذين قطعه مثل الشاش وتقصين فتحات فيها للعيون والانف وتبلينها بماء الارز ومن ثم تضعينها على بشرتك ..
في موضوعي السابق وحده من اللي ردوا على موضوعي شافت في الفيديو شيء اسود في الخلطه ..
وانا ما لحقت ارد عليها لأنها هي كانت تظن انه الحبة السوداا ..
انا اقول لكم ان عند الكوريين اكثر من نوع ارز ..ابيض / اصفر/ أسود/ اخضر .
شوفو الفيديو بالبحث عن كلمة ..Rice Water For Healthy Skin - الطماطم ..
تأخذون طماطه وتقطعونها شرائح .. وتاخذون شريحه وتحطونها على سكر ومن ثم تفركون وجهكم بهاا
الطماط له فوائد كثيره للبشره اهمها تجديد البشره ومقاومه التجاعيد
شوفو الفيديو بالبحث عن كلمة "DIY: Tomato Scrub"
او البحث عن كلمة ..Quick Tomato Mask >>يوجد فيديوين مختلفين - ياسلااااااااااااااام يعطيك ربي الف الف عافيه ووجزاك الله خير ياعسل
موفقه
مواضيع مشابهة
تابعي تجارب أخرى من هذا القسم.