شاركي في النقاش

سجلي الدخول لإضافة تعليق.

التعليقات

2,045
  1. @jut_me

    يابنات شرايكم اروح اولد بالسعد ولا بروكيييييييييييييير ؟؟؟؟؟

    ونيفين اللي بالسعد كل يوم هي اللي تناوب ولا لها ايام

    ودكتورة بشرى الباكستانية اللي ببروكير كل يوم تناوب عن الدكتورات ولا لا

    وجهووووووني انا محتاجتكم :(
  2. @nkhlh_hsaoyh

    السلام عليكم
    ابشركم ولدت ولله الحمد في مستشفى الموسى
    ولدتني الدكتوره امل ما شاء الله عليها يدها خفيفه مره
  3. @alfgralbaayd_5

    روح الورد الله يهون عليك يارب

    فتونه مستعجله عالعيد وانا معك بديت خلاص اجهز الله يسهل الامور الدنيا حر موووت وسوق وصيام وتعب يارب لك الحمد


    جست مي ارجع اقول استخيري محد يقدر يفيدك مننا غير بذكر تجربته وانتي عليك القرار الاخير بعد الاستخارة ياقلبي

    نخله حساوويه مبرووووووووووووووووووووووك ياقلبي والحمدالله على سلامتك ماقلتي لنا وش جبتي بنوته ولا ولد يارب يصلحه كلهم خير وبركه اهم شيء انكم بصحه وعافيه والحمدالله يارب ان ربي سخر لك الدكتورة الي ترتاحين معها وتريحك ويالله ننتظر تجربتك من والى نبيها لاتاخرين علينا
  4. @nkhlh_hsaoyh

    الفجر البعيد
    الله يبارك فيك ويسلمك
    جبت بنوووته زي القمر الله يحفظها
    ابشري بس افظى اقول قصة ولادتي ان شاء الله
  5. @nkhlh_hsaoyh

    قصة ولادتي

    كان يا مكان في قديم الزمان خخخخخخخخ
    كان عندي موعد عند الدكتوره يوم السبت لمتابعة الحمل وسوت لي تصوير قالت راس الجنين نازل كثيييير تحت الا ويجيني تقلص ببطني وانا على السرير
    قالت بتكشف وانا راااافضه قالت لازم اكشف ويوم اكشفت قالت الرحم فاتح 2سم واتوقع ولادتك الليله
    وقالت لي طلعي تروشي وشربي حاجه دافيه علشان الولاده
    واطلع من عندها وانا ابكي واسوي طوارئ في العائلة جبت زوجي من العمل وتجمعوا اهلي حوالي يهدوني وانا ما فيه فايده
    صيااااااح وهو اصلا ما فيني الم بس خوووف
    ويعدي السبت والاحد والاثنين والثلاثاء ........ الى يوم الجمعه وانا على نفس الحال ما ولدت
    صار يجيني طلق بس على خفيف وبما ان اللي في بطني بنت وولادتي الاولى ولد الطلق اختلف علي لان اولادي كان الطلق حااار وفي الظهر والبطن مع بعض هالمره الطلق من قدام وبااارد صحيح يوجع بس محتمل
    ولما صار يوم الجمعه قال زوجي لازم امشي كثييير علشان اولد قبل السبت لأن السبت اخر يوم في المهله المحدده لي وبتولدني الدكتوره صناعي
    واطلع مع زوجي وامشي كثييييير لحد ما انتهت طاقتي من المشي وما رجعت البيت الا ويجيني وانتو بكرامه اسهال
    اشوي الا جسمي ينتفض بشكل غير طبيعي لبست ملابس دافيه وطفيت المكيفات وتلحفت بالفراش من شدة البروده
    ولحد الان مانزل معي شي يوحي بولاده
    كله تقلصات في اسفل البطن منتظمه وشديده احيانا
    وتسحرت مع اهلي ونويت الصيام <<<<< على بالي زي كل ليله
    والصباح يزيد الالم علي وقام زوجي وداني المستشفى عالطوارئ ولما دخلوني غرفة الولاده حطو علي التخطيط
    انا من الخوف ما احس بالم الا الممرضه قامت تجهز عدة الولاده وبتحط علي المغذي وانا اقول لها لا ما فيني ولاده انا صايمه
    وهي تضحك علي وتقول التخطيط يقول في ولاده
    الا جات الدكتوره وكشفت قالت فاتح 7 سم
    قلت يعني ولاده قالت ايه واجلس اصيييييييييح وارتجف ما بغى اولد خلاص ابطلع
    الا راحت ولدت وحده ثانيه واسمع صراخها واصيح معها
    الا جاتني الدكتوره وافتحت ماء الجنين وقالت اذا جاك الم نادي علينا مامرت خمس دقايق الا آلام فضييييعه لاتحتمل صرت انا اللي اصارخ من شدتها والحمدلله ما اخذت ساعه الا انا والد

    وعقبال كل حامل ان شاء الله ربي يهون عليهم بالسلامه
    وكل محروومه ربي يرزقها بالذريه الصالحه

تابعي تجارب أخرى من هذا القسم.