السلام عليكم ورحمة الله وبركاته ,,,
أخواتي بنات حواء
الموضوع وببساطة اني فجأة سرت اكرهـ صحباتي
بسبب تافه وهما قعدو يحاولو فيا اني ارجع زي اول
بس حاسة اني مني قادرة احبهم من تاني
تانيا بالنسبالي اتوقع انو بسبب من الاشياء
انو لما نجلس مع بعض سيرة مواضيعهم تجيب الملل
وحدة اتخطبت وكل هرجها خطيبها والشبكة والجواز
والتانية ما عندها غير رحت واشتريت وجبت والشنطة دي بـ مدري كم
انا عارفة انو مو تفاخر ...لاننا صحبات
بس خلاااص ملييييييت
وهما بالعكس مراا طيبين بس ما ادري ليش قلبي صد فجاة
حتى لدرجة اني ناوية السنة الجية ما اجلس معاهم ولا مع احد
ابغا اكون لوحدي
يا بنات انا عارفة مشكلتي مو الي هيا
بس من جد مني عارفة ايش اسوي
اطنشهم واخسرهم ولا اجي على نفسي واكلمهم واستحمل ؟؟
والله يسعدكم ويوفقكم يا احلى بنات حواء :)
شاركي في النقاش
سجلي الدخول لإضافة تعليق.
التعليقات
5- مو سبب مقنع تتركي صاحباتك عشانه
بس في الاول والاخير سوي اللي يريحك نفسيا ولا يهمك احد اهم شئ تكوني مرتاحه - حتى لدرجة اني ناوية السنة الجية ما اجلس معاهم ولا مع احد
ابغا اكون لوحدي
لا يحبيبتي هذا مو حل
اذا ما تقدري تغيريهم
تلقين صاحبات ثانيات ويمكن احسن منهم
بس لاتجلس كذا - كنت مثلك حاولي ترقي نفسك مجررررب
- مع إحترامي لكي سبب مرره مو مقنع
إذا صاحباتك محترمات ومخلصات ومؤدبات
لا تفرطي في صحبتهم ترى الصحبة المخلصة ما تتعوض
وأقبلي نصيحة أخت لكي - شرويت
سبب مو مقنع
يعني قبل يوم إنك تحبينهم وش كانت سواليفهم !!
ما أعتقد كلهم تغيروا وأنتي اللي ماتغيرتي ..
مواضيع مشابهة
تابعي تجارب أخرى من هذا القسم.