تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

على فكرة يا بنات ... انا امبارح دخلت بس الموقع كان سىء جدا ومعرفتش ابعت ولا مشاركة



ماما وحشانى جدا جدا ... امبارح كتبتلك مشاركة طويلة بس طارت ... حقولك المهم اللى كان فيها فيها .. اسم الدواء


DHEA 50 mg



وبالنسبة للبروتوكول انا كلمت دكتور هميسة عن



antagonist protocol



وقالى انه بيطبقه فعلا مع الحالات الاسوأ منى بس مافيش مانع نجربه بإذن الله





شيمو الف سلامة عليكى يا حبيبتى ... الاعراض اللى بتشتكى منها دى ملهاش علاقة بالعلاج التهبيطى ... ياريت تحللى صورة دم ... وطمنينا عليكى بسرعة




ام عتريسة ... الصابرين بخير وان شاء الله ربنا حيبعت لبنتك اخ او اخت تفرح بيهم ... واهلا بيكى معانا فى تجمع الخير ...




وداع ... حبيبتى ما تحطيش فى بالك ... ناس كثير بيحصلهم كده فى الدورة ومش شرط انها تتكرر .. انا سمعت دكتور عادل بيقول ان الدورة لما تكون قليلة بيكون السبب ان الاباضة كانت ضعيفة فى الشهر ده ...


ربنا يفرح قلبك وقلوبنا بالحمل الثابت السليم




توتا تويتى ... بالنسبة للحجامة ... انا قريت فيها كثير وعملت لجوزى ولاختى ولوالدتى حجامة كمان ... الحجامة بتتعمل فى ايام 17 و19 و 21 ... ويجب تجنب منتصف الشهر العربى 13 و 14 و15 لأن الدم فى جسم الانسان بيتأثر بالقمر زى ما بيأثر القمر فى البحر وبتحصل ظاهرة المد والجزر ... كذلك كل مرض وله مواضع محدده خاصة به بتتعمل فيها الحجامة .





المشتاقة ... مشمشة قلبى ... ربنا يهدى طبيبك للى فيه الصالح ليكى وياريت تستخيرى تاخدى ابرة الكورتيزون ابتداء من اليوم الكام وربنا يجعلك ساعة ولادة سهلة

حبيبتى اطيب قلب .... انا اعرف واحدة عملتها 9 مرات ونجحت معاها فى المحاولة التاسعة ..... واحب اقولك لا تيأسى من رحمة الله لأنه لا ييأس من رحمة الله الا القوم الكافرون

والله عارفه ان هم اسباب حتى اخر مره ما كنت ما اتكلم مع الدكتور عن شي بالمره لاني عارفه انه سبب وبس وربي هو الي بيعطي ويهب



رحت ياعزيزه والله رحت لكن ربنا ما اراد انا عملت تحليل الاجسام المضاده وتخثر الدم وسليمه والحمد لله وعملت المنظار المهبلي وكمان ماعندي مشاكل ....... نفسي اعرف السبب



المحاوله التاسعه طيب ايش رايك اني عاملتها للمره العاشره ولحد الآن مايأست لكن الانسان طاقه انا وزوجي تعبنا ماديا ونفسيا وجسديا .......الموضوع مكلف من كل ناحيه ......ورغم كذا مازال عندي امل وربي كريم

اطيب قلب .... لازم تاخدى بالاسباب وتبحثى سبب فشل العمليات ... ممكن نوع الاجنة ... ممكن اسباب تتعلق ببطانة الرحم وممكن اسباب تتعلق بجهاز المناعة ... ماقلتلناش انتى منين وعملتى عملياتك فين

السلام عليكم ورحمة الله وبركاته
بنانيتي الحلوين وحشتوني بجد والله
أنا عارفه إني مقصره معاكم بس والله كنت بحاول اتابع أخباركم كل مده
النت عندي بايظه جداااااااااا وبتقطع كل شويه حتى إحنا بنعمل محاولات دلوقتي علشان نلغي الإشتراك
أنا الحمد لله بخير وجنة بتسلم عليكم كلكم وهيه بخير الحمد لله بس ولله الحمد مبقتش سايبالي دقيقه واحده فاضيه ربنا يهديها يارب
طبعا في البدايه هقول لام إياد ومتفائله الله أكبر ولله الحمد وربنا يارب يتمملكم على خير ويسعدكم برؤيتهم يارب
بس خلو بالكم من نفسكم كويس
ويااااااااااااااريت كل يوم تستودعوا أجنتكم عند ربنا وتقروا قرآن كتير قوي وربنا يكرمكم يارب

إشتقت حمات بنتي حمدالله على سلامتك يا شابه والحمد لله إنك إنشقيتي بالسلامه
بورك لكم في الموهوب وشكرتم الواهب ورزقتم بره وبلغ أشده
طبعا إنت عارفه غلاوة إسم عمر عندي ربنا يباركلكم فيه يارب
بس قوليلي ها عموره روقان رقم إتنين ولا لأ
وروقان باشا عامل إيه معاه قايم بالواجب ولا لسه
ربنا يحفظهملك من كل سوء يارب

توتاااااا حبيبتي على فكره أنا متابعه أخبارك والله
بصي الحجامه ليها أيام معينه يفضل إنها تتعمل فيها لكن مش شرط والأيام ده ليها علاقه بالشهر القمري
وطبعا العقم ليه نقط معينه تتعمل فيها الحجامه
أنا لما عملتها عملتها لكل أسباب العقم ولاحظت إني كان بنزلي دم في خلال الشهر غير دم البريوت ده بعد عمليات الحقن اللي عملتها لكن بعد الحجامه الدم وقف والدنيا إتظبطط لوحدها وكمان كنت عامله منظار قبلها بمده طويل كان نتيجته إن عندي إنسداد في الأنابيب وبعد الحجامه عملت أشعة صبغه طلعت الأنابيب سالكه طبعا ذهلت بس للأمانه الله أعلم الحجامه هيه السبب ولا لأ
عموما هيه سنه ولو لم تفيد مبتضرش
بس إعمليها عند دكتور متخصص وفاهم علشان كمان التشريط اللي هيعمله ميسبش آثر
وصلي إستخاره قبل الخطوه ده
وربنا يوفقك يارب ويكتبلك الخير يارب

أوكسي البقاء لله أنا عارفه إنها متأخره بس سامحيني والله
ربنا يوفقك يارب في العلاج الجديد ويجعله بفايده يارب
بس حاولي تدخلي علطول تطمنينا على أخبارك أول بأول

أطيب قلب أهلا بيكي يا قمر
بصي أنا أعرف واحده عملتا تسع مرات
وواحده عملتها إحداعشر مره
وربنا الحمد لله كرمهم
معلش الموضوع صحيح مكلف من كل حاجه لكن نحمد ربنا إن المقدره موجوده وده في حد ذاتها نعمه
بس أنا عايزاكي متزهقيش من كتر التكرار أنا دايما كنت بقول لنفسي أنا ثقتي في ربنا عمرها ما هتتهز علشان كده هفضل أكررها لحد ما ربنا يرزقني أو ميبقاش عندي بويضات
إنت كمان ياريت متفقديش ثقتك في ربنا أبدا
بس مقلتيش إنت إيه الأسباب عندك وياترى بتعملي عملياتك عند مين؟؟؟؟؟؟

أم عتريسه أهلا بيكي معانا
واضح إنك بروفيسيرة مطبخ وواضح إني هستغلك أسوء إستغلال هههههههههه بهزر والله
ربنا يكرمك يارب ويباركلك في بنتك يارب ويرزقك بأخوه وأخوات ليها كمان
وربنا يعوضك عن إبنك اللي فقدتيه يارب على فكره ده إصطفاء ليكي من ربنا لأن ربنا أراد إن يكون عندك بنت في الدنيا وإبن في الأخره وهو ده اللي هيدخلك الجنه بإذن الله
بس إنت حاولي تشوفي طبيب كويس تتابعي معاه
ومن ناحية بنتك ياريت تحاولي تشوفيلها نشاطات تعملها بحيث إن ميبقاش ولاد عمها هما وسيلة لعبها الوحيده يعني مثلا إشتركي في نادي وخديها هناك يوميا ... إعزميلها أصحابها في البيت وإعمليلهم زي حفله ..... يعني أفكار زي كده بحيث إنها لو حصل وولاد عمها قاطعوها متتأثرش قوي لأنها ليها وسائل تانيه تسليها غيرهم فاهماني
حتى حاولي إنت تتكلمي معاها وتخففي عنها وهكذا يعني
وربنا يخليهالك يارب
بس قوليلي هيه إسمها إيه بقىىىىىىى