تجمع اللي ركبوا تقويم الاسنان تعالوا نتشارك الافكار

انا خلعت 8 اسنان قبل التقويم


4 اسنان اللي بالعاده يخلعوهم لكل احد بيركب تقويم

و4 اسنان العقل .... لان التقويم بدونهم يكون احسن
وما يرجعون يتحركون بعدين

لان اعرف كم وحده بعد ما شالت التقويم وفرحت بالنتيجة جات اسنان العقل وخربت عليها !!! الله يستر




ونصيييييييحة
للي تخاف من الخلع
اخلعي الاسنان اللي الدكتور قال عليهم بس بعملية جراحية ببنج كامل
ماااا تحسين بشي وبلا لك عوار الراس
وتصحين وانتي مفتكه من الهم وما تحاتين شي

<<<بس للخوافات مثلي

اما اللي تقدر تتحمل مسؤولية انك تكوني صاحية وتشوفينهم وهم يخلعونهم
فما لها داعي العملية


وربي يوفقكم

تكفووووووون ردوا على ان فى هم مايعلمه الا الله

لا اختي
هو ما بيخلع من اول مره
بس بيركب حواصر او مطاطات عند الطواحن (الاسنان اللي ورا)
وبيقول لك على خطة العلاج
والاسنان اللي لازم تنخلع
وليش
وكيف
وكم
وان شاء الله صدقيني هو بس البداية تحسينها ثقيلة
بس من بعد 3 ايام لك بالتقويم
بتقولين ليتني ركبته من زمااااااااان
لانك بتتعودين عليه وبتحبينه وحتى الالم بيعجبك لانك لو ما حسيتي فيه بتقولين اسنانك مو جالسه تتحرك
وكل ما حسيتيه بتقولين الحمدلله يعني اسناني الحين تتعدل

وربي يوفقك <<<مركبته بمسقط فما تعرف عن مستشفيات السعوديه