أريد حلا لبنتي والأعشاب...

السلام عليكم .. كيف الحال والأحوال ...

الموضوع عندي بنتي عمرها 7 أسابيع وطبعا المغص والامساك معاها ... بلوة كل طفل

الأعشاب تنفعها بس المشكله أنها بعد كم ساعه تقعد تصرخ بشكل فضيع ... وكأنه المغص يشتد عليها بزياده

فهل هالشئ طبيعي والا معناته أن الأعشاب تضرها

ولمن أوقف عنها الأعشاب الحمدلله ما تصرخ بس تحسينها تتألم من الامساك وما تنام بسببه

ومب عارفه شو أسوي ... قلت أستشيركم يمكن أحصل الحل عندكم

بانتظاركم

13 تعليق 1,145 مشاهدة

شاركي في النقاش

سجلي الدخول لإضافة تعليق.

التعليقات

12
  1. @am_aazan_1

    اختي لازم تاخذين بنتك لطبيب ويعرف من ايش هالمغص

    الاعشاب تنفع وما تضر ان شاء الله

    بس ما ذكرتي ايش من الاعشاب الي تعطينها
  2. @alghnadyr

    هلا بك اختي

    اسأل الله العظيم رب العرش العظيم ان يشفي بنتك

    أول شي أنتي أنتبهي لطعامك تجنبي الاكل الي فيه غازات
    ثانيا قللي كمية الأعشاب الي تحطينها في الماء لأن أقل من ربع ملعقه يكفيهم
    واذا عندكم ماء المرقدوش فالامارات جربيه وايد زين يريح الأطفال عن الغازات

    وإن شاء الله ماتعدي ثلاث شهور إلا هي بألف عافيه ومرتاحه من الغازات
  3. @dloaah2

    صاحبة الموضوع
    ام عزان

    وديتها للدكتور من فتره وقالي فيها غازات
    لأنه بذاك اليوم ما رضت ترضع أبداااا

    الأعشاب جربت معاها نعناع, ينسون , نعناع وكمون, ينسون وكراويه, شمر

    كل هالاعشاب كانت بالبدايه تخرج منها الوسخ بس بعد يومين ما تأثر فيها

    الغنادير

    مشكوره عالدعاء والله دايما أدعيلها لأنها كاسر بخاطري

    والله أني مبتعده عن الغازات وأنا اللي أشرب مرقدوش قلت يمكن ينفعا

    الدكتوره نجلاء

    الأعشاب عباره عن منقوع نعناع, ينسون , نعناع وكمون, ينسون وكراويه, شمر

    وزنها أول ما نولدت 2.700
    وبعد ما كملت الشهر 3.500

    أرضعها طبيعي

    هذا هو اللي معذبني كان آخر مره خرجت فيها يوم الجمعه

    تنام بس أقل فترة رضاعه ليها 3 ساعات ... وأحيانا ترضع من 3 الظهر الى 12 بالليل ..

    هي عمرها 7 أسابيع يعني شهر ونص تقريبا

    أنا سمعت عن تحميلة الجلسرين ... هل هي أفضل والا الأعشاب لأنها تخرج بعد الأعشاب بس المشكله أنها بعد كم ساعه من الأعشاب تقعد تصيييييييييح وهذا اللي مخوفني... ليش تصيح بعد الأعشاب مع أنها المفروض ترتاح
    وجزاكم الله خييييييييييييييير

تابعي تجارب أخرى من هذا القسم.