
تعرفون رمضان شهر الخير .... وربي يحفظ لنا هالنعمه من الزوال
وحبيت اصور لكم بعض اطباقي على الفطور في الايام اللي طافت .... وعلى حسب المزاج او حسب اذا تذكرت جبت الكاميرا وجيك وجيك فيها هههههههههههه

حلى الورق ... ندهن عجينة السمبوسه بالجبن وتقلى وتسقى بالشيره وترش بالدارسين (القرفه )

اللقيمات : معروفه للجميع وكل وحده لها طريقتها فيها
وصرت اسوي هالطريقه البسيطه 1 ك طحين + 1م خميره + 2 ملعقة نشا + ملعقة سكر + رشة ملح
تخلط المقادير ويصب عليها الماي حتى تصير عجينه ثقيله وتخمر وتلقم بالزيت الساخن والغزير وتسقى بالشيره

خبز التمر يشبه البان كيك بس هذا على تمر طيب وخفيف ولذيذ

السينامون بعجينة الكنز ( العشر دقايق )

الشوربه : المفيده وهي شوربة الخضار هنا قبل لا احطها بالخلاط ... ونسيت اصورها بعدين عباره عن ماء سلق الدجاج وعليه الخضار
http://forum.hawaaworld.com/showthread.php?p=50439073

هذا الرز بالبصل المحروق لذيذ وطيب مع الدجاج صورته من الجدر سامحوني هههههه... وان شاء الله احط لكم الطريقه

هذى سندويشة البرجر بالخلطه وسبق اني حطيتها من قبل
http://forum.hawaaworld.com/showthread.php?t=2547190

حلا معروف للجميع وهو عباره عن كريم كراميل وقيمر ودريم ويب وبسكوت... مزين بالتوفي وبسكوت اوريو



















