شوفي أزين كنت مبقيتش غادي نقول والوا قلت بلا منعيشكم في الحلم معايا ملي كتبت كلشي وطار قلت راه ممكتابش لكن دبا كلاني نسالي وانتي جبدتيني إوا سمعي الالا مشيت عندك ديك المرا لهزات لي الرحم داك العام باش تهزوا لي عاوتاني حيث قدامي كيعكروني هاد رمضان إوا غير مساتني وهي تقولي هاذ الجنب الايسر عندك خاوي والأيمن عامر مغديش ندير ليك والوا حتى تنزل عليك الدورة حيث غالبا يقدر يكون حمل وقالت لي خصوصا حيث الدورة مجاتكش قلت ليها راه عادي راه كتعطل حتى 3 شهور قالت لي راه يقدر يكون حمل وخاسر والله وأعلم وأنا ملي وركات على الجهة اليسرى حسيت بيها ضاراني.
إوا ملي سمعت كلامها وانا غايبة الجسد معاها والعقل مكاين وهي مجمعة هي وماما ومرة مرة كندير براسي حاضرة وماما مسكينة فرحات وكنقولها متفرحيش راه يمكن غير الكيس رجع ثاني والمرا مساتوا ولكن انا متأكدة بأنه مكاين حتى كيس ولكن كنبين لماما أنني مهامنيش أبدااا وعااادي جداااا عندي وانا ربي هو لي عالم بيا ومبغيتش ماما تفرح وتصدم جوج صدمات وحدة ديالها ووحدة بسبابي حيث غادي تبقى هازة ليا الهم.صافي هذا مكان ونتمنى كل خير ان شاء الله وخصوصا بعد الأخبار الزوينة لي كنسمعوها كل نهار.هاذ الأيام قريت هنا في المنتدى خبر حمل الأخت سكارلت وفرحت بزاااف حيث كنت متبعة قصتها من أول ما تسجلت فهاذ المنتدى وحملها معجزة سبحان الله وعطاني واحد الشحنة ديال الأمل كبيرة بزاااف ودبا راني عايشة أحلام وردية الحمد لله وسواءا كنت حاملة أو لا غادي نكون عشت أحاسيس جميلة بزااااف الحمد لله.
هذا الرابط ديال موضوع الأخت سكارلت.
http://forum.hawaaworld.com/showthread.php?t=2534395
ღ¤ஐﻬ تجارب وخبرات متبادلة((الجزء الثالث)) بتاخر الحمل بالمغرب العربي ﻬஐ¤ღ
متابعة النقاش، صفحة 201