السلام عليكم
رمضان مبارك عليكم
ودي استشيركم انا عندي طفلين وحامل بالشهور الاخيره
المهم من فتره خواتي الثنتين قدموا على شغالات وهم اطفالهم من اربعه الى خمسه وبعضهم يدرس
السالفه اني قلت ليش مااصير مثلهم ابي شغاله وقلت لزوجي بما لني على وجه ولاده ابي شغاله
بدال الشغالات المؤقتات
وهو رافض الموضوع بشكل نهائي
وبصراحه عصبت وقلت له عيالي تحت بعض ودي تساعدني الشغاله غليهم ومع ذلك رافض
سؤالي هل لي حق اني ازعل مع انو وضعنا المادي متوسط
وبصراحه كل تفكيري لما اولد احس ماراح اقدر اسيطر على البيت ونظافته وعلى عيالي واكبرهم خمس سنوات
ياليت تقولون لي رايكم بصراحه:26:
شاركي في النقاش
سجلي الدخول لإضافة تعليق.
التعليقات
41- استخيري الله اول شيء في الشغاله وبعدين اطلبي زوجك ولو شفتي ان الموضوع راح يزعل زوجك مره استعيني بالله وماراح تندمي ثانيا دائما قبل ما تنامي قولي سبحان الله والحمدلله والله اكبر كما اوصى نبينا صلى الله عليه وسلم ابنته فاطمة الزهراء .
- انا من رايي دام رافض بس يجيب شغالت مؤقته ترى هذي نعمه غيرك مالقاها
- لاتزعلين عادي خذي شغاله مؤقته
واذا شافك حايسه مع العيال يمكن يجيبها من تلقاء نفسه
لذلك اصبري وشوفي
الله يعين ,,اجري لك شغاله فترة النفاس لانك ماتقدرين على البيت والعيال
واذا راتب زوجك يساعد على استقدام شغاله
حاولي تتلطفين له وتطلبينه باسلوب بدون ماتقارنين بين وضعك ووضع اخواتك لانه بيعاند ويقول تبي تقلد اخواتها
الله يفرج همك - يابنت الحلال اشغالة صح انها بتساعد بس و**** مشاكلهم اكثر من فايدتهم خليكي علي الاجار احسلك بميت مرة
- يا حبي لتس والله
لا لا طبعا مالتس حق
ان جاب جزاه الله خير وان ما جاب لا تكبرين الموضووع
وتعالي بالسياسه والمهاداااه
لا تجين بالقووه ابداا
وانتي خيريه بين الشغاله او يجيب غساله اتوماتيك وغسالة صحون ومجفف حراري
في ذا الحاله راح تختصرين على نفسك نص التعب
ربي يسهل امورك ويهون عليك ولادتك يارب
مواضيع مشابهة
تابعي تجارب أخرى من هذا القسم.