بكرا ان شاء الله ابروح اعتمر .. دعواتكم بالتساهيل
عندي هالموضوع ويقرقع بقلبي صار له فتره
وقلت اقوله لكم
سلمكم الله
هذي وحده اعرفها التزامها اقل مايقال عادي جداا
تحافظ على الصلاة وتصوم رمضان وتتسنن قليل
تفاجأت يوم عرفت انها بدت تحفظ القران
الله يرزقنا حفظ كتابه جميعا
سألتها ليه وش الطاري
هي عمرها وصل الاربعين يعني مو صغيره
وتعرفون صعوبة الحفظ كل ماكبرنا
يوم عرفت السبب
طار عقلي.. لانو شي يمكن مافكرنا فيه
او غفلنا عن التفكير فيه
تقول:
اذا رحنا نزور احد لازم ناخذ معنا شي وعيب نجي ايدينا فاضيه
وحسب هالشخص ومعزته نشيل معنا
اما طبخ بيت ولا صينية كاكاو وحسب مستويات المحلات
ولو هالشخص نستحي منه حيل او له هيبه جبنا صينيه باتشي او اي محلات راقيه
تقول
استحيت ان اقابل ربي ومافي صدري الا قصار الصور
فشمرت الهمه ان احفظ البقره وال عمران والله يوفقني لحفظ كتابه
لاقابل ربي احمل الزهراوان (البقرة وال عمران)
قال عليه الصلاة والسلام في الحديث : [ اقْرَؤُوْا الْزَّهْرَاوَيْنِ : الْبَقَرَةَ وَسُوْرَةَ آَلِ عِمْرَانَ . فَإِنَّهُمَا تَأْتِيَانِ يَوْمَ الْقِيَامَةِ كَأَنَّهُمَا غَمَامَتَانِ. أَوْ كَأَنَّهُمَا غَيَايَتَانِ . أَوْ فِرْقَانِ مِنْ طَيْرٍ صَوَافَّ . تُحَاجّانِ عَنْ أَصْحَابِهِمَا ]
اااااااااااااااخ
هل فكرنا بهالشي؟
