تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

متابعة النقاش، صفحة 109

شاركي في النقاش

سجلي الدخول لإضافة تعليق.

التعليقات

2,165

  1. @rmal_8

    رمـــــال
    نوفى اين انتى يانوفى كنتى فين من زماااااااااااااااان .. اه والله عارفه غلاوتى عندك واكيد انتى كمان عارفه غلاوتك فى قلبى يانيفو ياقمر انت يابتاع الايام الخوالى (والمربى).. ربنا يكرمك ياحبيبتى انك دخلتى انا عارفه انك مشغولة وكمان عندك اكتئا…
    زينب يازوزو..
    ياخسارة مش لحقتك شكلك مش مظبوط ومش عاجبنى كده وحاساكى مرتبكة .. ان شاء الله نتقابل بكرة ولا بعده ونشوف اوراقنا فيها ايه ونتصرف نعمل ايه لانى مش عاجبنى التخبط ده اللى انتى فيه ياقلبى ..
    عزيزة زوزة ..
    ازيك ياحبيبتى عاملة ايه ياترى اخبارك ايه انا مش فاكرة انتى بتعملى ايه الايام دى ولا مش بتعملى حاجه وموقفة فى رمضان .. معلش عايزة افتكر علشان حاسه انى مش متابعه ولا مركزة معاكى فى اى حاجه خالص
    وده مدايقنى كل مرة اسلم عليكى وخلاص
    توتا وماما ..
    ماشاء الله على حواركم عجبنى اوى النقاش بخصوص موضوع المناعة ربنا يكرمكم يارب ويجعله فى ميزان حسناتكم انا شخصيا استفدت منه كتير معلومات مكنتش اعرفها
    توتا ..
    هو انا مش قولت لك مبارك عليكى الحج .. اخص عليا تخيلى مش اخدت بالى خالص .. مبارك عليكى ياقلبى ويارب يارب ترجعى من هناك مبسوطة بامر الله ومغفور ليكى انتى وزوجك ياحبيبتى

  2. @rmal_8

    sara_ali
    دودي حبيبتي شفاك الله الدم اللي بينزل من البواسير سببه تفجر اوردة صغيرة وقت الاخراج(معليش للشرح التفصيلي بس ماينفعش غير كدة) تجنبي الامساك لانه مش كويس للحمل ولا للبواسير اشربي سوائل كتير وكلي سلطة كتير خصوصا الخيار بلاش توابل وبهارات …
    عايزة اقوللك .. منــــــورة الملف يا سوسو .. بجد بالرغم من المسؤليات اللى وراكى لكنك بتدخلى وتطمنى على اخواتك كان الله فى عونك ياحبيبتى ..
    مش عارفه اشكرك علي ده ازاى ربنا يجعله فى ميزان حسناتك يارب ياسوسو

  3. @rmal_8

    اطيب قلب%
    ازيكم ياستاااااااااااااااااات ربنا يكرمكم جميعا وانا معاكم بالحمل السليم الثابت عندي سؤاااااااااااال محيرني .........انا عملت عمليات حقن مجهري كثيره وكلها فاشله .............ولازالت الاثار النفسيه السئيه للعمليه الاخيره موجوده لانا بجد…
    اه طبعا بيحصل يااطيب قلب .. بامر الله ياحبيبتى كله بأمر الله توكلى على الله وربنا يرزقك بالحمل السليم المعافى بس حاولى تعملى بكلام اختنا اوكسى وبنصيحتها وافحصى نفسك فحص دقيق علشان متتعرضيش لعمليات وتجارب فاشله تانى وكله اخذ بالاسباب يابنتى

  4. @am_ayad_2009

    رمـــــال
    وحشتينى يا مضروبة .. ايه اللى قولتيه ده انا ضحكت على نفسى موت من كلامك فى المشاركات اللى حطيتيها .. الف بعد الشر عليكى ربنا يسمعنى عنك سمع خير ياحبيبتى دايما متقلقيش والله خير استبشرى بس برمضان يا اودى وريحى نفسك من الضغوط حاولى تروحى لما…
    ريمو حبيبه قلب اون لاين
    سهران لوحدك ليه ياجميل
    اخبارك ايه واخبار انوس المعضوض
    ياب دايما تكونو بخير
    بالنسبلى مقدرش اروح لماما لسببين
    الاول مقدرش اسيب جوزو فرمضان لانه حيصعب عليا يفطر ويتسحر لوحده
    التانى انى قلقانه من الاجهاض وخايفة يحصلى اجهاض وانا عند ماما زي المرة اللى فاتت واهل جوزى يتخيلو انى اجهضت بسبب حاجة حصلتلى عند ماما
    فعشان كدة مش عايزة اروح لماما الفترة دي نهااااائي
    وبصراحة ماما مش مقصرة معايا كل كام يوم بتيجى وتشوف طلبات البيت عندى ايه
    وانا بحاول ابعد نفسي عن الاجهاد والتوتر
    واى موضوع بيضايقنى او شخص بيضايقنى مبجبش سيرته اصلا
    وان شاء الله ربنا يثبت الحمل ويكمل على خير
    وبالنسبة للوحم انا عارفة انه حاجة صعبة ومقرفة
    بس نفسي تحصلى اى حاجة تتحسسنى ان الحمل مستمر
    دا انا حتى على طول بيجيلي مغص زي مغص البريود على قد ما بيقلقنى وبيتعبنى مش عارفة اذا كان المفروض يجيلي مغص ولا لا
    بس برده ببقي مبسوطة وحاسة ان في حاجة جوايا
    انا عارفة انك ممكن تقولى عليا دي عبيطة دى ولا بتستعبط
    بس مهما اقول او احكي عن المشاعر اللى جوايا نحيه الجنين ده
    يمكن كتير منكو ميقدرش موقفى
    بس مش حقدر اقول غير دا تعب 6 سنين نفسي ومادى وجسدى
    فلازم افرح بيه يعنى الحاجة اللى بتضايق الناس العادية اللى بتحمل بسهولة
    بانسبلى بتبقي حاجة جمييييلة اوى وبستقبلها بحب وفرح
    عارفة اكتر حاجة كانت مضايقانى فالحمل اللى فات انه مكنش في اعراض
    فبيتهيألى انى المفروض افرح المرة دى ان في اعراض وبدأت تبقي قوية كمان
    يارب ثبت حملى وحمل توفى وارزق كل مشتاقة بالذرية الصالحة







  5. أم اياد 2009
    ريمو حبيبه قلب اون لاين سهران لوحدك ليه ياجميل اخبارك ايه واخبار انوس المعضوض ياب دايما تكونو بخير بالنسبلى مقدرش اروح لماما لسببين الاول مقدرش اسيب جوزو فرمضان لانه حيصعب عليا يفطر ويتسحر لوحده التانى انى قلقانه من الاجهاض وخايفة يحص…
    توتا بصى هو انا اصلا فى الكويت مكنتش عملت تحاليل المناعه خالص اخرى كانت تحاليل الهرمونات بس .. لكن الدكتوره قالتى احنا بنديها فى جميع الاحوال .. والحقن انا عملته 3 مرات مراتين الاجنه فريش ومره كانت مجمده فى 3 مرات كنت باخد الكرتيزون
    بالنسبه بقا للفيتامين هو مش ادانى اى فيتامينات بس يمكن لما اروح يوم المنظار يدونى .. وربنا يسهل باذن الله



    اودى اخبارك يا قمر عودا حميدا ويا بنوته بطلى القلق ده ربنا يكملك على خير يارب وتفرحى باجمل نونو




    الحمد لله انك اطمنتى يا اودى الصديد على البول فعلا بيعمل الم جامد .. ربنا يعافيكى انتى بس امشى على الدواء وهيتظبط ويارب ييسرلك كل امورك ويبعد عنك المشاكل ويقدرلك الخير حيثما كان



    ساره اهلا يا جميل انا متكملتيش معاكى خالص بس ما شاء الله عرفت عنك كتير من البنات وحلوه العصابه ديه ربنا يباركلك فيهم ويحفظهم ويجعلهم ذريه صالحه ..



    توصلى بالسلامه يا توفى ان شاء الله وربنا يكملك حملك على خير ومتنسيش الزرافه زى ما اتفقنا ههههههههه




    رمال اخبارك يا حلوه عامله ايه.. ربنا كريم ويسمع منك ويفرح قلبى وقلوبنا كلنا بالحمل الثابت المعافى م كل سوء ويكرمنى يارب المره ديه.. والله يا رمال من غير ما تقولى انا بدعيلكم كلكم لما بجى بدعى لنفسى لان الملائكه بتقول ولك بالمثل فكانى بدعى لنفسى ويارب يتقبل من كل واحده منا بتدعى دوعاها ويكرمنا عاجلا غير اجلا

تابعي تجارب أخرى من هذا القسم.