ابغى افضل النوادي في الرياض ؟؟

up

شكراً حبيباتي ..
و اللي سالت عن نادي الامير سلمان .. رخيص مرة يعني ثلاث شهور بتسعمية ريال ..
بس الله يعينك على قراوة الرياض هههههههه

هاااي بنات انا رحت اليوم اشوف النادي اللي بالتخصصي الطبي

ماعليه حلو وراقي فيه قسم كبير للاجهزه الرياضيه والمدربه موجوده فيها اذا تحتاجين اي مساعده

وفيها كلاسين يصير فيها الايروبكس وغيرها

وفيها دور ثاني فيه مسبح وجاكوزي وساونا (لكن مارح استفيد منها لأني ماحب المسابح العموميه)

و قسم كوافير وتجميل

وكوفي شوب

لكن المكان ككل مو كبير مدري تضايقت لما شفته .. مع انه حلو ومعتنين فيه مره اكثر بكثييير من الافاق ..الافاق عملي وساده جدا

لكن اعجبتني انواع الكلاسات عندهم ..فيه كلاس خاص لتنحيف الوسط وكلاس للقسم السفلي من الجسم وكلاس تقسيم الجسم احسها حلووه يعني الافاق ماكان فيها كذا كانت الكلاسات متنوعه وكثيره لكنها للجسم كامل مو لأجزاء محدده

المهم الاشتراكات لاحظو الفرق الشهر الواحد بـ900 .... اما الافاق بـ 800
ماعندهم شهرين ..فيه 3 شهور بـ1900 ..اما الافاق شهرين2 بـ 1800 !!!!

يعني التخصصي ارخص من الافاق مع انه احلى بكثييير

على فكره الافاق كان مررره زحمه لدرجه اني احيانا اوصل على الوقت بالضبط يكون مالي مكان الكلاس زحححححمه والاجهزه مليانه اصلا هي مو كثيره

اما التخصصي مدري اذا كان كل يوم كذا ولا لا ..لكن اليوم كان هادي فيه كم وحده بصالة الاجهزه والباقين بالكلاس ومو زحمه لا عددهم حلو يعني فيه مجال الوحده تتحرك بدون ما يصقعون ببعض مثل ماكان يصير لنا بالافاق

ايه ونسيت بعد <<سوري طولتها

عندهم بالتخصصي تقدرين تحجزين موعد مع المدربه عشان تعطيك كلاس لحالك تعلمينها وش تبغين تسوين بجسمك وهي تدربك وتقدرين بعد تحجزينها تجي معك للاجهزه تعلمك وش اللي بينفع لجسمك وكذا..

لكني لسا ما جزمت اني اشترك سمعت ان اوباجي فيه نادي لكن ما اعرف عنه شي يااليت اللي تعرف عنه او شافته تقوووولي

طيب فراشة التخصصي وش جنسية مدرباتهم ؟
وكيف كلامهم معاك ؟


بنات نكرر الطلب .. ممكن وصف الملتقى ؟

الملتقى ادخلوا مع مخرج 14 متجهين للملز على طول اول اشارة اشارة ملاهي الحكير وبعدين الاشارة الثانيه اللي تقطع طريق النهضه بعدين الاشارة الثالثة اللي هي بيكون بنك سامبا على اليسار ادخلوا يمين وبعدين بيجي محل ورود اسمه ازهار هو ورى ازهار

اتمنى يكون الوصف واضح