تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

ماما الف سلامه جربي زيت الزيتون
ولو عاوزه حاجه سريعه انت عارفه شاي الضيافه بتاع الرجيم لو شربتيه تاني يكون بيكون عندك اسهال لو حابه بتجربيه

ربنا يكرمك يارمال انك افتكرتي اسمي
يارب يفرح قلوبنا كلنا وقلب كل محروم بالذريه الصالحه عاجلا غير اجل

والله يام عتريس انا بصراحه الكلام الطبي علي عيني وراسي من فوق بس الموضوع دا مش بالورقه والقلم يعني انا عارفه واحده صحبتي كان فرحها قبل الدوره باسبوع يعني خلاص علي كلام الطب البويضه نزلت وسبحان الله حملت من اول شهر
وفيه واحده تانيه في تجمع تاني عملت تلقيح وفشل والشهر اللي بعده ما حصلشي جماع الا مره واحده وقبل ايام التبويض وسبحان الله حملت
وانا في اي وقت من الشهر لو حصل جماع بدعي ربنا انه يقدر لي منه الحمل والذريه الصالحه


ام اياد
متقوليش بزعجوا والله انا مقدره اللي انت فيه وانا لو مكانك حعمل اكتر من كده بس مش كل حاجه تربطيها بالاجهاض اللي حصلك عشان نفسيتك
وبعدين احمدي ربنا ان وحمك خفيف دي نعمه من ربنا انا اسمع ان الوحم لما بيزيد بيكره الوحده في عيشتها واديكي عرفتي السر لما تكوني حاسه انك عاوزه ترجعي عليك وعلي الجوافه:)
ربنا يتمم لك بخير انت وفيفي


متفائله
حمد لله علي السلامه نورتي مصر