السلام عليكم ورحمه الله وبركاته
اخواتي
الصدق محتارة انا رفضت الكثير من الشباب بسبب الدخان وقلت من ترك شيء لله عوضه الله خير منه
واللحين قبل رمضان دعيت ربي يرزقني بالشاب التقي النقي المخموم القلب
وجاني شخص فيه كل الصفات الحلوة الصلاة و بر الوالدين ولكنه يشيش و قال لاهله انه له اسبوعين تارك الشيشه
وعاد تعرفون علم الغيب عند ربي محد يعرف
وانا استخرت بس برضه تجيني افكار انه مدمن الشيشه و تعرفون معصيه صغيرة تجر ورااها معاصي كثيرة و الصدق مو مقتنعه
وفي نفس الوقت اخاف انه علي اثم من الرفض ونفسي اتزوج مادام انه يصلي وبار بوالديه
ارجوكم افهموا نفسيتي و افهموا وضعي انتظر ردك بفارغ الصبر انصحوني مالي غيركم
شاركي في النقاش
سجلي الدخول لإضافة تعليق.
التعليقات
36- مدري يالغاليه مثلك دايم اسأل نفس السؤال
بس يختي احس الدخان اهون من الشيشه ! - شوفي حبيبتي انتي صح
وانا انصحك تبعدين عن المشيش اكثر
لية لانة بيقول لك بطلع الكازينو او اذا كان عندة استراحة والشباب وما ادراك مالشباب وعلومهم
ترا انا احكي لك بناء على تجربتني والله ما كان يجلس بالبيت
وتعبني كثير والحين طلاااااااااااق
انتي ادعي ربك واستخيري - ما الك الا الاستخارة
حافظي عليها لان الله وحده يعلم الغيب ويعلم هل يصلح لك هذا الشاب او لا
مع تمناتي لك ولجميع بنات المسلمين بالستر والزوج الصالح
- ياعمري دامه تارك الشيشة من اسبوعين
خلاص يقلبي وافقي عليه دامه بار بوالدينه واخلاقه زينه
توكلي ع الله
حتى لو رجع للشيشه بطريقتك ونصحك له وهيك يتراجع عن ذي السموم
وتسمعينه اشرطـة ، وتورينــه مضـار السموم هذي
الله يوفقك ويزيـل همومـــــك ...
والف الف مبروك يااعروسة :icon28: - ياختي لاتعقدينها مره خلاص تاركها وانتي اذا تزوجتيه بتقنعينه اكثر
وبعدين ترى محد يجي كامل الكامل الله وحده لاتتوقعين واحد فيه كل الصفات الزينه مستحيل
وبعدين تبغين واحد مو مدخن بس فيه كل شي شين ؟ توكلي على الله واتزوجيه ولا اقعدي في بيت ابوك انتظري عريس الغفله
اللي مايغلط أبد :/
مواضيع مشابهة
تابعي تجارب أخرى من هذا القسم.