عزيزتي ما تزعلي ابدا وما تشيلي هم وكلي امرك لربنا ربنا عالم بحالنا جميعا ربنا يرزقك ويرزقنا اجمعين بس صدقيني اهم شي ما تخلي هالموضوع طول الوقت براسك وما تخليه يأثر على حياتك ونشاطك وحيويتك
كلنا مرينا بمثل هالاحساس انا متلك متزجة من سنتين ونصف وما حملت وشو بدي احكيلك الدكاترة شو عملوا فيني لما بالاخير قررت اتوكل على الله واسيبها على التواكيل
صدقيني انا ساعات كتير باقعد متلك ما بافكر الا بهالموضوع وباشتري للبيبي ملابس وباقرا عن الاطفال وكل هالقصص بس غالبا هاي امور بتتعبنا اكتر وقدر المستطاع انا باحاول اشغل نفسي عن هالموضوع بتعرفي ليش لانه ما حيصير لا بالبكا ولا بالحزن ولا بالزعل ولا بالتنغيص على النفس
ما حيصير الا لما ربنا يريد اعملي متلي واقنعي حالك بهيك واكثري من الدعاء وانشاء الله ربنا ما حيخيب املك ويرزقك بنونو يعوضك خير ويملا علكي دنيتك انتي وكل العايزين يا رب امين
يا بنات مالي احد في الدنيا غير الله ثم انتم
متابعة النقاش، صفحة 6