طريقة الفوتشيني من دون دجاج

بنات انا صايمة وحتاجة اصلحها

الله يتقبل صيامك أختي..

قطعي بصل شرايح..
وقلقل رومي إذا عندك أخضر وأحمر وأصفر..يصير أحلى..نفس الشي قطعية شرايح صغار..
شوي شبت طازج مفروم..
فطر شرايح..
ذرة حلوة..
فص ثوم مفروم..



شوحي البصل وباقي الخضار بشوية زبدة وعليها ملعقة زيت..خلي الفلفل أخر شي..عشان لا يصير مر مع الطبخ..

طبعاً نبيها بس تنضج مو تطبخ كامل..
وبعد كذا تضيفين البهارات..وملح ربع ملعقة شاي..لا تكثرين لأنك بتحطين جبن وبتطلع مالحة..

بعد كذا تضيفين جبن كرافت شيدر سائل+جبن موزاريلا مبشور وفوقهم كريمة خفق..

تخلطينهم سوا..وبعد دقيقتين ضيفي مكرونة الفتوتشيني..

وأخر شي ضيفي الشبت..وأخلطي..


وبالعافية على قلبك..


في أمان الله..

اللة يجزاك خير اختي
انا صلحتها وطلعت مرة لذيذة
اللة يسعدك دنيا واخرة

عليك بألف عافية..

الحمد لله إنها عجبتك..

والله يتقبل صيامك..


في أمان الله..