شاركي في النقاش

سجلي الدخول لإضافة تعليق.

التعليقات

36
  1. @la_llkhltat

    مو هذا سبب المشاكل اصلا !

    شوفي بنات حواء لو تسئلينهم تقبلي اقل منك تعليم , اقل ثقافة , بيئة مختلفة .. بتجيك الاجابة وحدة : اقبـــــــــــل ,, ولسان حالهم وينه هالعريس اصلاً هاتيه بسرعة !


    فـ الاجابات لا تاخذيها كـ مقياس .. اذا كنتي طالبة نصيحة لك شخصياً .


    لو جيتي للمشاكل اغلبها حتى لو تقرئي في المنتدى .. اغلب اللي تكتب مشكلتها تبدأها بجملة وحدة ( تزوجت واحد اقل مني تعليمياً وثقافياً ومادياً واجتماعياً وكل شي )


    طب السؤال .. ميـــــــــن ضربـــــــك على يدك قال لك وافقي !



    عموماً

    الزواج من شخص اقل منك تعليم مشكلة كبيرة بصراحة
    اولاً الثقافات راح تصير مختلفة والشخصيات بعيدة عن بعض تماماً .. ولا فيه تفاهم ولا حوار !

    ولا حد يقول اللي مو متعلم مو شرط يكون مو مثقف ..لأن الواقع يقول كذا .. والتعليم الاساسي لابد منه .. والا وش فايدته!

    اذا انتي كجامعية تحسي تعليمك ما فادك بشي ولا فتح افاقك ولا نور بصرك وبصيرتك هذي عاد مشكلتك انتي !

    بس اللي متعلمة فعلا تعليم صحيح ومستفيدة منه صعب جدا جدا ترتبط بشخص غير متعلم



    النقطة الثانية الشخص اللي ما كمل تعليمه انشغل بأيش ؟
    خصوصاً اللي دون الثانوي ؟

    تلاقيه شغل وقته بفرفرة في الشوارع ومصاحبه اصحاب السوء

    حتى لو ما كان من هالنوعية ..لكن اي شخص مو متعلم مين الشخصيات اللي راح يجالسها ويخالطها ويقضي اغلب يومه معاها ؟ .. 90 % راح يكون يقضي وقته مع غير المتعلمين والعاطلين .. وهذا اكبر فساد

    ما اقول انه غير المتعلم انسان فاسد .. لكن لا تنسي المرء على دين خليله .. واكيد لا بد تنزرع في باله بعض الافكار المتخلفة سواء اختلاطه مع هالناس ..او بحكم عدم اطلاعه الكافي


    والواقع يقول انه اغلب الغير متعلمين تجيك نظرتهم محدودة وضيقة .



    فيه امور ثانية ممكن تصاحب الانسان اللي مو متعلم
    مثلا عقدة النقص , ومعليش ما في رجل شرقي ما يحس فيها اذا ارتبط باللي اعلى منه.

    والشي الثاني طموحه محدود لذلك راح يستكثر طموحك ويشوفه تضييع وقت وانشغال عن بيتك وخدمته.


    وثالثا راتبه وترقياته في العمل راح تكون جدا جدا محدودة .. وراح تعيشي في نفس الحال على طول مهما كبر حجم اسرتك وزادت متطلباتهم وزاد غلاء المعيشة

    واخيراً .. فيه نسبة لا يستهان بها لما يكون الشخص اقل ماديا وتعليمياً من زوجته يكون السبب اللي دعاه لاختيارها كزوجه هو الطمــــــــع في فلوسها وراتبها


    وبما انو الزواج بمجتمعنا ماشي عالبركة .. ففيه احتمال كبير جدا انك تطيحي في اللي داخل على طمع , ويزيد هالاحتمال لما يكون مو متعلم ودخله ضعيف.


    ان شالله اكون وضحت وجهة نظري
    وبالتوفيق
  2. @rk_anth_3

    صاحبة الموضوع
    Om DinaoOoy
    انا اول بقولك كنت اقول ايه اخذ واناادعي المثاليه لكن الحين اقولك بعد ايه من دون مثاليه تتدرين ليه من عقب ماشفت عقل ثلاثيني يتهاوش وحاط دوبه من دوب ابو16 عرفت العمر مومقياس للطبع والشهادات الله يوفق

    أخواتي :26:

    روضة المها ... الله يديم السعاده عليكم .

    شحرورة الخليج .. صادقه ...ولكن كتبت ماقصدته بكلامي في ردي الثاني :)

    ام العيون الخضر .. اشكرك

    خفايا الاحساس ....أشكرك جدا ...



    ولكن انا سبق وقلت ان اني اؤمن ان الرجاااااااال بحاجه الى ثقافه وليس الى شهاده ولـــــكن في مجتمعنا الان لا أحد يسعى الى الثقافه يجب أن يأخذها اجباااااري عن طريق التعليم لذالك أصبحت المعادله ... تعليــم + ثقافه + تجارب الحياه = انسان واعي ...... والتفكير المرن من ان سيأتي اذا لم يتعلم ويفتح مداركه !!

    بابا وماما حياتي ... الله يرزقك التوفيق في أمورك كلها .. اشكرك

    غنوة الحب .. اشكرك لم تفهمي ما اعني .... يجب أن يكون متعلم ليكون حواره واسلوبه وقراراته كلها ناتجه عن علم وادراك
    ويجب ان يكون طموح ليكمل تعليمه ويُعينني على ذالك ..... أنا اجزم ان التعليم يختلف عن الطموح ولا شك في ذالك واذا قرأتي كلامي مرة أخرى ستعي ماقصدته ياعزيزتي



    لا للخلطات ... اشكرك جدا جدا جدا كلام واقعي + منطقي...



    التعليم وبالقوه يدرسون !! فمابالك بالثقافه لا أحد يبحث عنهاااااااا لذالك مصدرها الوحيد الدراسه..

    كلاااااااااااامك كلها سليم ولا اعاااارضك ابدا الا في نقطتين ان الرجل اذا لم يكمل تعليمه انشغل بأمور قد تضره ليس الكل فغالبيتهم ما ان ينهى الثانوي حتى يتوضف في العسكريه وهي توضف مادون الجامعه ايضاً وبعضهم انشغل بمحلات ابيه وهكذاا فالبعض لا الكل....

    والنقطه الثانيه أنا أدرس ولم اتوضف بعد فلا اشك ولو واحد بالميه انه داخل على طمع !! > لا اعلم قد تكون نظرتي خاطئه ولكن هذا مالمسته .....



    واشكركم بحجم السمااااااااااااااء على صفاء قلوبكم ونقاء سريرتكم وصدق نصائحكم :26:....


  3. @hdyk_ghnaaa

    انا معي بكالوريوس وزوجي ثانوي
    اكبر مني بكثييير
    الحمدلله مرتاحه معه الله يتمم علينا تزوجت وانا مابعد تخرجت وساعدني ووقف معاي
    الحين ان شاء الله بكمل ماجستير وهو يبي يكمل بكالوريوس
    زوجي طموح جدا وذكي ماشاءء الله ويحب الدراسه
    بس ظروف اهله اعتقد ماخلته يكمل ومحد شجعه لأن امه وابوه مو متعلمين
    ماحس بالفرق التعليمي ابدا لانه مطلع ع النت ومثقف اكثر مني
    احيانا احس ان فرق السن هو اللي يسبب اختلاف الرأي بيني وبينه
  4. @am_krshh

    بكون معك صريحه في نقطتين
    بما اننا في زمن الماديات باهتم اكثر شي بحاجتين بدينه ومادياته اذا مستواه التعليمي اقل مني
    وشي ثاني يجيك واحد دكتور عمره وصل قريب 40 سنه وماتزوج ولما يبي يتزوج تلقينه حلم البنات كلهم من اللي اعمارهم 20 الى اللي اعمارهم 30 سنه ,,لا وحلم اهاليهم بعد وش دلالته ذي؟

    باختصار
    التعليم مهم لكن فيه اشياء او سلبيات المرأه او الزوجه تغمض عيونها خصوصا لو كان الرجل غني او دكتور مثلا او راتبه فوق 15 الف مثلا
    وعلى فكره كلامي هذا من تجارب كثيره حولي

    ثانيا الرجال السعودي مهما علت شهادته على فكره ابدا ابدا ماهو دليل على سعاه حياته الزوجيه مع زوجته
    تلاقين متخرج من كليات امريكا او البترول والمعادن او دكتور وتفكيره محدود ولا هوب مرن مع الناس ويشوفهم حشرات

    يعني ابدا الشهاده والسعاده ماهم مرتبطين

تابعي تجارب أخرى من هذا القسم.