اودى
كويس انى لاقيت مشاركتك دى عشان احكيلك على موقف حصل معايا
انا بعد ماعرفت انى حامل حصل معايا موقف غبى كده شوية من مرات اخو جوزى
هى سبحان الله ربنا يهديها مش بتكره فى الدنيا ادى مع انى مفيش مابينى وبينها اى احتكاك
ولا بحاول اصلا اتعامل معاها وبالرغم من انها فى مصر وانا برة مصر خالص بس سبحان الله كل المشاكل اللى بتحصل فى بيتى بتكون بسببها وبسبب غيرتها الفظيعة ومحاولاتها الدائمة للتنكيد علينا باى شئ
المهم هى حبت تعمل كده معايا اول ماعرفت انى حامل بس سبحان الله بسبب خوفى على الجنين وعلى نفسى جانى برود فظيع وكنت حاسة انى حد تانى خالص لدرجة انى لاول مرة فى حياتى اتصرف تصرف قليل الزوق خالص وما اتوقعش انى ممكن اعمله تانى بس ده هدى نفسيتى قوى ومن يومها لغاية دلوقتى ما سمعتش صوتها ولا حاولت حتى انها تكلم جوزى ولا توصلنى اى اخبار عنها ولا سمعت اسمها من ساعتها
حتى جوزى قالى انا حسيت انها لو قدامك كنتى هتضربيها بالرصاص قولتله انا عشان الحمل ده ربنا يكتب له الاستمرار ممكن اعمل اى حاجة فى الدنيا وفعلا الحمد لله استمريت ال3 شهور الاولانين مهدية اعصابى على قد ماقدرت
بس للاسف الشهر الرابع حصل كام موقف كده ورا بعض خلونى فقدت اعصابى واتنرفزت لدرجة انى نزلت عليا ميه واترعبت وجريت على الطوارئ بالليل وتخيلت ان دى مية البيبى بس الحمد لله ربنا ستر
ومن ساعتها وانا محترمة نفسى على الاخر وبحاول انى مااتنرفزش وما افكرش اصلا فى اى حاجة تنرفزنى بس بصراحة الواحد بيبقى غصب عنه ساعات الزعل والنرفزة لانى الايام دى قلقى جامد قوى على بابا ربنا يشفيه يارب ويقومه لينا بالسلامة
بس بحاول انى اكلمه كل شوية عشان اطمن عليه واسمع صوته واطمن نفسى
بس طالما الموضوع عندك خاص باهل زوجك فعلى قد ماتقدرى تجنبيهم الفترة الاولانية دى
وماتحاوليش تستقبليهم فى البيت عندك ولو عايشة معاهم فى نفس البيت حاولى تعملى نفسك نايمة فى اوضتك لو جولك او اتصلوا وفهمى جوزك ان ده لمصلحتكم انتم الاتنين على الاقل اول فترة
تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17
متابعة النقاش، صفحة 119