كيفكم بنات ؟؟؟
مشكورين على الدعوات لي تفرح القلب
انا هلا بالفندق رجعت من المشفى بعد السحب و رح احكيلكم شو صار معي من اول اليوم ..
طبعا قبل ليلة ما نمت منيح لاني كنت متوترة و حتى زوجي ما نام منيح و كنت كل الوقت اصلي و ادعي ربي بالتيسير
رن المنبه الساعة 7 و نص و صحيت انا و زوجي و لبست ابني كان غارق بسابع نومة تركناه نام و رحنا عالمشفى ..
دخلنا المحاسبة و حاسبنا و عطونا غرفة لزوجي عشان يرتاح فيها لان عمليتو قبل عمليتي ..اجت الممرضة و اخدت منو دم و بعد نص ساعة اخدوه للعمليات و انا هون صرت ارجف من التوتر و قعدت بالغرفة كل الوقت اصلي و اصلي ..كانت الساعة 9
كنت عم اتمشى بالغرفة و انا ناطرة زوجي ..و عند الساعة 11 دخل الممرض و هو عم يجر سرير زوجي و كان صاحي و عم يحكي طمني انو العينة ممتازة و اكتر من المتوقع و لما سمعت شكرت ربي من كل قلبي حتى انو الدكتور طلب يجمد العينة لانها ممتازة و هي اول مرة بتصير معنا بالعادة بتكون العينة يا دوب مكفية ..الحمد لله الف مرة
نزلت و انا طايرة من فرحي لقسم السحب اعطتني الممرضة روب و لبسته وطرت دوري كان في قبلي 3 بنات و كل ما تطلع وحدة اسالها كم سحبو منها بويضات و كنت حاطة ايدي على قلبي ما يطلع عندي عدد ..
و الساعة 12 و نص اجا دوري و حقت الحقيقة و توترت و صرت اصلي و ادعي ربي ييسر لي اموري .
ساعدوني الممرضات عشان انتم على السرير و بلشت تعطيني الابر المخدرة و خلال لحظات ما عدت حسيت بلي حوليي
فقت من البنج و كان الاوكسجين على وجهي سألت الممرضة و نا نص صاحية كم بويضة سحبتو ردت 13 بويضة وقت سمعت بالرقم بكيت و بكيت و شكرت ربي على النعمة الكبيرة ..
بعد نص ساعة جابولي سوائل عشان اعوض شربتهم و لما صحصحت قمت لبس ملابسي و رحت لقيت زوجي ناطرني و كان مبسوط من عينتو و عدد بويضاتي ..شكرنا الله و رجعنا عالفندق طبعا و صفولي ادوية التهاب و مسكن عند الضرورة و طلبو مني اتصل بكرة عشان نتيجة التلقيح ..
هاد لي صار معي اليوم و اكيد دواتكم كانت سبب تيسير اموري ربي ييسر اموركم و يجبر خاطركم يــــــــــــــــــــــــــا رب
₪ ₪ تجمع الأمل 40 للمقدمات على عملية أطفال الأنابيب والمنتظرات نتيجة التحليل ₪ ₪
متابعة النقاش، صفحة 277