تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

متابعة النقاش، صفحة 128

شاركي في النقاش

سجلي الدخول لإضافة تعليق.

التعليقات

2,165

  1. @shymolata

    كوكر حمد الله عالسلامة ومعلش اهو كله بيعدى انا بقيت احس انى بسافر علشان اداوى جراح الاجازة
    نيفووووووووو
    تصدقى بالله كنت لسه من شوية بدور على موبايلى علشان اتصل اطمن عليكى طولتى غيبتك قوى وبجد محتاجالك خالص الحمد لله العلاج التهبيطى حسسنى اد ايه كبار السن بيتعبو مش قادرة اوصفلك ومش عايزة ازعل حد من البنات بس فعلا مها كان عندها حق ان اصعب مرحلة هى المرحلة دى ربنا يعيننا ويعديها على خير انا لسه قدامى لاخر السنة دى على مااخد الجينيرا علشان الدورة تنزل
    على فكرة عجبنى جدا ردك على نهر التسنيم
    بوبا
    ربنا يشفى باباكى ان شاء الله وبجد هموت واعرف ردك على مرات اخو جوزك اللى افحمها ده كان ايه علشان اعمل زيه
    طمطم
    بذمتك ينفع كده انتى بتشاركى مشاركات قصيرة جدا مع انى بحس بنفسك فى الملف يعنى بتكونى موجوده ياريت تشاركى اكتر

  2. @rmal_8

    ماما1983
    يابنات انقذوني انا مش عارفه اعمل ايه عندي امساك فظيع فظيع فظيع جربت الخيار والبرتقال ومفيش فايده طيب الحليب بيعمل اسهال واشرب بودره ولا طبيعي ربنا يكرمكم ساعدوني امبارح حطيت 3 لبوس جلسرين ويدوب قدرت ادخل الحمام حاجه بسيطه بغد معاناه شديده …
    الف سلامة عليكى ياماماتو شفاكى الله وعافاكى ياحبيبة قلبى .. نفذى نصايح البنات وان شاء الله خير .. بس على فكرة طريقه بوبا بتنفع احيان كتير وهى صح فعلا .. وانتى متسيبيش نفسك لما توصلى للمرحلة دى تانى ياجميلة يعنى لو لقيتى الموضوع اتأخر يوم ولا اتنين بالكتير اجرى اعملى لنفسك شوب لبن طبيعى مش بودرة كامل الدسم ساقع واشربيه ولو مش هتقدرى على طعمه اضربية فى الخلاط مع تمرتين هتغير طعمه وهتخليكى تشربى منه كتير معلش هو دسم شويه بس افضل من الامساك وده شئ مجرب يعنى انا جربته كتيييييييييييييير ونفع اوى يادوب اول ما اشرب بقين من هنا اجرى على التويلت من هنا .. وبرده موضوع زيت الزيتون حلو وكمان لبوس الجلسرين هيعمل مفعول اللبن بس انا بفضل ان الموضوع يكون طبيعى احسن يعنى اللبن بالنسبه لى افضل من اللبوس لان اللبن هيهدى الامعاء وهيسهل الهضم .. وبرده فى معلومة تانيه اللى هى الزبادى .. كل يوم باللليل كوب زبادى لتحسين الهضم مهم اوى اوى اوى وجميل جدا مش هيخلى فى امساك اطلاقا

  3. @rmal_8

    ^همسات الليل^
    ممكن اعرف افضل دكتورات النسا في مصر
    همسات الليل .. حبيبتى اهلا وسهلا بيكى.. فعلا البنات ردوا عليكى بخصوص د رجاء منصور وهى فعلا كويسه ومجربة بس انتى ممكن تعرفينا بمشكلتك اكتر ويمكن لما نتناقش سوا فيها نفتح قدامك سكك انتى مش واخده بالك منها .. مستنيينك ياجميل ..

  4. @rmal_8

    متفائلة جدا 1985
    انا وصلت يا شباب الحمدلله
    حمدالله على سلامتك يا متفائلة نورتى مصر .. على فكرة انتى مش عاجبانى اطلاقا فى اللى انتى عاملاه ده ليه ده كله تحليلك ماشاء الله زى الفل فى ايه بقه .. احنا كده منعرفش نقول الحمدلله على راى جوزك .. ونحب ننكد على نفسنا ونوتر فى روحنا لما التوتر ده هييجى فى يوم من الايام هيعمل مصايب محناش قدها .. انتى كمان بتدورى على اودى توتريها معاكى وتقولى لها تعمل التحليل اقوللك ايه بس .. عموما انا مش هتكلم معاكى دلوقتى لانى بجد زعلانه من اللى بتعمليه وهسيبك براحتك يومين لحد ما ترجعى لعقلك وربنا يهديكى حقيقى

  5. @rmal_8

    زينب ابراهيم
    ازيكو يا بنات عاملين إيه؟ ريمو على فكرة أنا مشيت بالفعل على اللي قالهولي د- عادل هو قالي لاداعي لزيادة الجرعة المنشطه فأخدت الكلوميد بس لكن قالي اعملي البرولاكتين ولما قلتله إنه مرة11 ومرة 13 والبروجسترون 32 قالي بالبنط العريض البروجس…

    شوفتى يازوزو كلام البنات قاللك ايه .. قاللك نفس اللى قلتهولك فى الاول خالص انى شاكة فى مسألة التنشيط الكتير اللى اخدتيه ده بصى انا رأيى زى رأى البنات بالظبط فى القصه دى بالنسبه لتحليل الزوج لو فيه شئ لاقدر الله هيبقى عرفنا نمشى منين ونبدأ فين ولو طلع تمام هتبقى انتى محتاجة تعملى زى ما د عادل نصحك بس لازم نعمل التحليل علشان نحدد احتمالاتنا فى الحمل .. مش خسرانين حاجه واستخيرى فى الاول والاخر ياحبيبتى واللى هيريحك امشى وراه وان شاء الله ربنا يكتب لك الحمل يازوزو ياااااااارب

تابعي تجارب أخرى من هذا القسم.