تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

توتا
حمد الله علي سلامتك ربنا يجعلها بالشفاء والفايدة ان شاء الله والكورتيزون في دكاترة بتديه فعلا عشان الاجسام المضادة وكمضاد لاي التهاب ممكن يكون ناتج عن التبويض حتي وخروج البويضة لان الالتهاب بيطلع برده مواد ممكن تعيق عملية الاخصاب
انا عن نفسي لما قريت عنه وكانت قرنفلة قالت عليه برده عجبني
شيمو
ربنا يكرمك يارب وتبقي ام عاجلا غير آجل
يامن امره بين الكاف والنون وازا قضي امرا قال له كن فيكون ارزقنا جميعا بزرية صالحة طيبة تقر بها العيون
معلهش الصبر مفتاح الفرج واحنا بنحتسب صبرنا عند الله وان شاء الله ربنا مش حيضيعنا
وعلي فكرة الحالة اللي عند صاحبتك اسمها اكتئاب ما بعد الولادة وكل الستا معرضين عليها ودي مرض معروف ولازم له علاج وملوش علاقة بتاخيرها ولا سنها وبيحصل لستات كتير وبدون سبب وله جانب هرموني كمان

توتا
انا جمعتلك اللي كنت كاتباه قبل كده عن الكورتيزون
　
انا كل اللي قريته عن موضوع الكورتيزون ده بيتكلم في فكرة مضادة فعل البروستاجلاندين اللي بتزيد اثناء التبويض وبتخلق حالة من الالتهاب ممكن يزود تقلص الاوعية او العضلات الملساء بما يضاد الحركة للمطلوبة للاخصاب بعد كده
ده بالنسبة لاخده مع التنشيط
لكن المفروض ان مع المتكيسات ده ممكن يجيب نتيجة عكسية بسبب تاثير الكورتيزون علي الانسولين اللي يكاد يكون هو المسبب الخفي للتكيسيعني ممكن يزيد الحالة سوء
ده اللي فهمته
ما فائدة علاج الكورتيزون إضافة إلى علاجات محدثات الإباضة ؟

الجواب : إن الكورتيزون يساعد في تخفيض مستوى الهرمونات الذكرية التي تكون عامية في هذه الحالات وهذا يساعد في أحداث الإباضة ولكن استعماله يجب أن يكون بحذر وباستشارة الطبيب المعالج , حيث أن له تأثير على هرمون الأنسولين في الدم .

شكرا كل حبايبي اللي ردوا عليا واللي ماردوش ماتعرفوش كلامكم اد ايه ريحني الله يبارك فيكم كلكم. وانت يا رمال يارب تبقي ام ويجيلك ولد او بنت زي القمر ياحبيبتي ويارب ابقى ام أنا كمان.